1 Cronicas
26 Punku cuidaqkunam kayna rakisqa karqaku:+ Coreypa mirayninmantam karqa Koreypa churin Meselemias,+ Koreyqa karqa Asafpa churinmi. 2 Meselemiaspa punta kaq churinmi karqa Zacarias, iskay kaqñataqmi Jediel, kimsa kaqñataqmi Zebadias, tawa kaqñataqmi Jatniel, 3 pichqa kaqñataqmi Elam, suqta kaqñataqmi Jeoanan, qanchis kaqñataqmi Elio-enai. 4 Obed-edompa piwi* churinmi karqa Semaya, iskay kaqñataqmi Jeozabad, kimsa kaqñataqmi Joa, tawa kaqñataqmi Sacar, pichqa kaqñataqmi Natanael, 5 suqta kaqñataqmi Amiel, qanchis kaqñataqmi Isacar, pusaq kaqñataqmi Peuletai. Dios bendeciptinmi Obed-edomqa achka churiyuq karqa.
6 Obed-edompa churin Semayapapas karqam churinkuna, paykunam ayllunkupi kamachiq kallpasapa hinaspa mana manchakuq runakuna karqaku. 7 Semayapa churinkunam karqa: Otni, Refael, Obed hinaspa Elzabad. Elzabadpa ayllun Eliuwan Semakiasqa mana manchakuqmi karqaku. 8 Llapallankum Obed-edompa mirayninkuna karqaku. Paykunapas, churinkunapas chaynataq ayllunkunapas kallpasapa hinaspa mana manchakuqmi karqaku. Hinaspapas ruwayniyuq kanankupaq yachachisqam karqaku. Obed-edompa ayllunmantam karqaku 62 runakuna. 9 Meselemiaspa+ churinkunawan ayllunkunam karqa 18 mana manchakuq runakuna. 10 Meraripa miraynin Hosapa churinmi karqa Simri, paytaqa taytanmi ayllunpi kamachiq kananpaq churarqa mana piwi kachkaptinpas. 11 Iskay kaqñataqmi karqa Hilkias, kimsa kaqñataqmi karqa Tebalias, tawa kaqñataqmi karqa Zacarias. Hosapa churinkunawan ayllunkunam karqa 13 qarikuna.
12 Chay punkuta cuidaqkunapa kamachiqninkunaqa Jehova Diospa wasinpim yanapakurqaku, chaynam karqaku ayllunkupas. 13 Paykunaqa punkuta cuidanankupaqmi sapa ayllupi achka utaq aslla kaspankupas sorteaspa tupachinakuqku.+ 14 Chaymi Selemiasman tuparurqa intipa qispimunan lawman qawaq punku. Churin Zacariasmanñataqmi tuparurqa ichuq* lawman* qawaq punku, payqa karqa yachaywan rimapayakuqmi. 15 Obed-edonmanñataqmi tuparurqa alliq* law* punku, churinkunamanñataqmi+ tuparurqa tukuy ima waqaychana cuartokuna. 16 Sofanmanwan Hosamanñataqmi+ tuparurqa intipa siqaykunan lawman qawaq Saleket sutiyuq punku. Chay punkuqa purinanku lawmanmi qawachkan. Punku cuidaqkunaqa hichpa-hichpallam churasqa karqaku. 17 Intipa qispimunan lawpim karqaku Leviy ayllumanta suqta runakuna, ichuq lawpiñataqmi sapa punchaw karqaku tawa, alliq lawpipas sapa punchawmi karqaku tawa. Tukuy ima waqaychana cuartokunapiñataqmi+ karqaku iska-iskay. 18 Intipa siqaykunan lawpi corredormanmi utaq purinanku lawmanmi churarurqaku tawa runakunata,+ corredorpa waqtanmanñataqmi churarurqaku iskay runakunata. 19 Chayna rakisqam karqaku Coreypa mirayninmanta hinaspa Meraripa mirayninmanta punkuta cuidaq runakuna.
20 Leviy ayllumanta Aiyam Diospaq quri-qullqita waqaychana cuartokunamantawan Diospaq sapaqchasqa kaqkunamanta nanachikurqa.+ 21 Guersompa miraynin Ladanpa churinkunamantam karqa Jeyeli. Jeyeliqa karqa Ladanpa ayllunpi hukkaqnin kamachiqmi.+ 22 Karqataqmi Jeyelipa churinkunapas, Zetanpas chaynataq wawqin Joelpas. Paykunam Jehova Diospa wasinpi quri-qullqita waqaychana cuartokunamanta nanachikurqaku.+ 23 Karqataqmi Amram kasta runakunapas, Izar kasta runakunapas, Hebron kasta runakunapas, Uziel kasta runakunapas.+ 24 Guersompa churin Sebuelmi tukuy ima waqaychana cuartokunamanta nanachikurqa. Guersomqa karqa Moisespa churinmi. 25 Eliezerpa+ mirayninmanta ayllunkunam karqa: Reabias,+ Jesayas, Joram, Zicri hinaspa Selomit. 26 Selomitmi wawqinkunapiwan nanachikurqaku Diospaq sapaqchasqa kaqkunata churana cuartokunamanta.+ Chaytaqa sapaqcharqa rey David,+ ayllukunapi kamachiqkuna,+ 1.000 runakunata kamachiqkuna, 100 runakunata kamachiqkuna chaynataq soldadokunapa kamachiqninkunam. 27 Diospaq chay sapaqchasqankuqa karqa+ peleaspa qichumusqankum,+ chaytaqa sapaqcharqaku Jehova Diospa wasinta allichachinankupaqmi. 28 Selomitwan wawqinkunaqa nanachikurqakutaqmi qawaq Samuelpa,+ Quispa churin Saulpa, Nerpa churin Abnerpa+ chaynataq Zeruyapa+ wawan Joabpa+ sapaqchasqankumantapas.
29 Diospa wasinmanta hawapi kamachiqkunawan Israel nacionpi juezkunam+ karqaku Izarpa mirayninmanta+ Kenaniaswan churinkuna.
30 Hebronpa miraynin+ Hasabiaswan ayllunkunam karqaku 1.700 allin llamkaq runakuna. Paykunam Jordan mayupa inti siqaykunan lawpi Israel nacionpa kaqninkunamanta nanachikurqaku. Nanachikurqakuqa Jehova Diospaq hinaspa kamachiqpaq tukuy ima ruwaykunamantam. 31 Hebronpa mirayninpi ayllukunamanta kamachiqmi karqa Jeriya.+ 40 wataña David kamachichkaptinmi+ runankuna maskaspanku tarirurqaku Galaad lawpi Jazer llaqtapi+ allin llamkaq mana manchakuq qarikunata. 32 Jeriyapa ayllunmantam karqa 2.700 mana manchakuq qarikuna. Paykunaqa karqaku ayllunkupi kamachiqkunam. Paykunatam David churarqa Ruben ayllupi, Gad ayllupi hinaspa Manasespa wakin ayllunpi Diospatawan kamachiqpa kapuqninkunamanta nanachikunankupaq.