Abdias
1 Abdiaspa* musquypi hina* qawasqan:
Llapallan kamachiq Jehova Diosmi Edonmanta+ nin:
“Jehova Diosmanta hamuq willakuytam uyariruniku.
Willakuqtam kacharunku nacionkunaman kaynata nimunanpaq:
‘Hatariychik, paywan peleanapaq alistakusun’”, nispa nimunanpaq.+
2 “Qawariy, wakin nacionkunamantaqa mana kaqpaqta hinam ruwaruyki.
Runakunapa chiqninantam ruwaruyki.+
Sunquykipipas ninkiraqmi:
‘¿Pitaq allpaman uraykachiwanman?’, nispa.
4 Lucerokunapa kasqanpi qistachakuptikipas*,
anka hina alto-altopi kaptikipas*,
chaymantam uraykachimuykiman”, Jehova Diosmi chaynata nin.
5 Diosqa nintaqmi: “Sichu suwakuna tutan hamusunkiman,
hinaspaqa munasqallankutam apakunmanku.
Sichu uvas pallaqkuna hamunman,
hinaspaqa saqinmankum pallapanapaq kaqtaqa.
Qamtam ichaqa chiqnisuqnikikuna qalaypaq mana imayuqta saqisunki*.+
6 Esaupa tukuy imantam maskachakurunku.
Pakasqa quri-qullqinkunatam maskachakurunku.
7 Paykunam allpanmanta qarquramusunki.
Qanwan kaqkunam* llapallanku qipancharusunki.
Qanwan hawkalla kaq runakunam vencerusunki.
Tantata qanwan kuska mikuqkunam tuqllata churasunki,
ichaqa manam cuentata qukunkichu”, nispa.
8 Jehova Diosqa nintaqmi:
“Chay punchawqa Edompi+ yachaysapakunatam chinkachisaq.
Chay punchawqa Esaupa urqunkunapi yachaq yachaysapakunatam chinkachisaq.
9 Yaw Teman,+ soldadoykikunam mancharisqallaña kanqaku.+
Esaupa urqunkunapi yachaqkunaqa llapallankum chinkanqaku.+
11 Huklaw llaqtayuq runakuna soldadonkuta apakusqanku punchawpim+
mana yanapaykuspa qawaylla-qawakurqanki.
Huklaw llaqtayuq runakuna punkunta yaykuspa Jerusalenpaq tupachinakuptinkum+
qampas paykuna hina ruwarqanki.
12 ¿Imapaqtaq kusikurqanki wawqikipa ñakarisqan punchawpi?+
¿Imapaqtaq kusikurqanki Judapi runakuna wañusqanku punchawpi?+
¿Imapaqtaq ñakarisqanku punchawpi hatuntukuspa rimarqanki?
13 Amamiki llaqtaypa ñakarichisqan punchawpiqa punkuntaqa yaykuwaqchu karqa.+
Amamiki llaqtaypa ñakarisqan punchawqa ñakarisqanmantaqa kusikuwaqchu karqa.
Amamiki llaqtaypa ñakarisqan punchawqa tukuy imantapas apakuwaqchu karqa.+
14 Amamiki ayqikuqkunataqa pallqaq ñankunapi suyaspaqa wañuchiwaqchu karqa.+
Amamiki ñakarisqanku punchawpi wañuymanta ayqikuqkunataqa chiqniqninkumanqa quykuwaqchu karqa.+
15 Jehova Diospa piñakuynin punchawqa kayllapiñam kachkan.+
Chay punchawqa llapallan nacionkunam chinkanqa.+
Ruwasqaykiman hinam qamtapas ruwasunki, hukkunata imam ruwasqallaykim qanman chayasunki.
16 Imaynam qamkunapas sapaqchasqay urquypi tomarqankichik,
chaynam llapallan nacionkunapas mana tukuyta tomanqaku.+
Tomanqakum, millpunqakum, hinaspapas chinkanqakum,
manapas kanmankuchu hinam qalaypaq chinkanqaku.
Jacobpa mirayninkunaqa yapamantam kapuqninkunata kutichikamunqaku.+
18 Jacobpa mirayninkunaqa nina hinam kanqaku,
Joseypa mirayninkunaqa linwachkaq nina hinam kanqaku.
Esaupa mirayninkunam ichaqa paja hina kanqaku,
paykuna ninata rataykachiptinkum rupanqaku.
Esaupa mirayninkunamantaqa manam pipas puchunqachu,+
chayna kananmantam Jehova Diospuni nin.
19 Negueb qichwakunatawan Esaupa urqunkunatam hapikuykunqaku.+
Sefela muqukunatawan Filistea runakunapa allpantam hapikuykunqaku.+
Efrainpa allpantawan Samariapa allpantam hapikuykunqaku.+
Benjaminpas Galaad allpatam hapikuykunqa.
20 Kay pirqamanta huklawman apasqa kaqkunapaqmi,+
Israel runakunapaqmi Canaan allpaqa kanqa.
Sarepta llaqtakamam paykunapaq kanqa.+
Jerusalenmanta apasqa kaqkunam, Sefaratpi kaqkunam Negueb llaqtakunapi yachanqaku.+
21 Sion muqumanmi yanapakuqkuna rinqaku.
Esaupa urqunkunapa imam ruwasqantam qawachinqaku.+
Jehova Diosñam kamachinqa”, nispa.+