23 KAQ TAKI
Jehova Diosqa kamachichkanñam
1. Jehova Dios munaptinmá
Jesusqa kamachichkan,
chayraykum paytaqa alabana.
Wasi pirqapi hapiq
rumi hinam Jesusqa.
Paymá taytanpa
munayninta ruwanqa.
(CORO)
Jehova Dioslláy churillaykiqa
kusikuytam apamunqa.
Jehova Dioslláy churillaykiqa
hawkayaytam apamunqa.
Jehova Diospaq takillasun,
kuyakuq kasqanmanta.
2. Ñam kayllapiña kachkan
Diospa piñakuyninqa,
mana allinqa ñam tukunqaña.
Haku willakamusun
sumaq willakuymanta,
chayqa utqayman
ruwanapaq llamkaymi.
(CORO)
Jehova Dioslláy churillaykiqa
kusikuytam apamunqa.
Jehova Dioslláy churillaykiqa
hawkayaytam apamunqa.
Jehova Diospaq takillasun,
kuyakuq kasqanmanta.
3. Jehova Diospa churasqan
kamachimuq Jesusqa
llapa runapa respetananmi.
Diosman asuykullasun,
Diosta mañakullasun.
Aswan allinqa
paypa chaskisqan kaymá.
(CORO)
Jehova Dioslláy churillaykiqa
kusikuytam apamunqa.
Jehova Dioslláy churillaykiqa
hawkayaytam apamunqa.
Jehova Diospaq takillasun,
kuyakuq kasqanmanta.
(Qawariytaq 2 Sam. 7:22; Dan. 2:44; Apoc. 7:15).