89 KAQ TAKI
Kasukusunyá bendecisqa kanapaq
1. ¿Sutillachu Cristo kasukusqanchik?
Ancha allinmi yachachisqanqa.
Chaymanta yachaspam kusisqa kanchik,
kasukuspam bendecisqa kasun.
(CORO)
Diosmi bendecisunki
nisqanta ruwaptiki.
Kusisqamá wiñaypaq kawsanki
Diosta kasukuspaqa.
2. Allin cimientasqa wasi hinamá
kasukuyqa amparaykuwanchik.
Jesusta kasukuspanchikqa allin
cimientasqa hinam takyasunchik.
(CORO)
Diosmi bendecisunki
nisqanta ruwaptiki.
Kusisqamá wiñaypaq kawsanki
Diosta kasukuspaqa.
3. Yakupa patanpi wiñaq sachaqa
tiempollanpim sumaqta rurumun.
Chaynam wiñaypaq bendecisqa kasun
Jehova Diosta kasukuspanchikqa.
(CORO)
Diosmi bendecisunki
nisqanta ruwaptiki.
Kusisqamá wiñaypaq kawsanki
Diosta kasukuspaqa.
(Qawariytaq Deut. 28:2; Sal. 1:3; Prov. 10:22; Mat. 7:24-27; Luc. 6:47-49).