-
¿Imayna kawsakunapaqtaq Diosqa unanchawarqanchik?¿Imaynatam wiñaypaq kusisqa kawsakuchwan? Bibliamanta yachanapaq
-
-
25 YACHACHIKUY
¿Imayna kawsakunapaqtaq Diosqa unanchawarqanchik?
Bibliapiqa sutillatam niwanchik runakunaqa mana unayta kawsakusqanchikta hinaspa sasachakuyllapiña kasqanchikta (Job 14:1). ¿Chayna kawsakunanchikpaqchu Diosqa unanchawarqanchik? Chayna kawsakunanchikta mana munaspanqa, ¿imayna kawsakunanchikpaqtaq unanchawarqanchik? ¿Haykallapipas Diospa munasqanman hina sumaq kawsakuy kanqachu? Chaykunamantayá yachaykusunchik.
1. ¿Imayna kawsakunanchikpaqtaq Diosqa unanchawarqanchik?
Jehova Diosqa munanmi allin kawsakunanchikta. Chaymi Adantawan Evatapas suma-sumaq huertapi churaykurqa, hinaspam paykunata nirqa: “Achka churi-wawayuqyá kaychik, miraspayá allpa pachaman huntaychik, makikichikpiyá kachun allpa pachaqa”, nispa (Genesis 1:28). Diosqa munarqam Adanwan Eva churi-wawayuq kanankuta, enterollan allpa pachata sumaqyachinankuta hinaspa animalkunatapas sumaqta cuidanankuta. Diosqa manam munarqachu runakuna machu-payayaspa wañunankutaqa.
Kunan kusisqa mana kawsakuptinchikpasa Jehova Diosqa manam qunqanchu kusisqa kawsakunanchikpaq unanchawasqanchiktaqa (Isaias 46:10, 11). Diosqa hinallam munachkan kasukuqninkuna wiñaypaq kusisqa kawsakunankuta (leey Apocalipsis 21:3, 4).
2. ¿Atichwanchu kunan tiempopi kusisqa kawsakuyta?
Arí atichwanmi. Diosqa unanchawarqanchik payta yupaychaspa kusisqa kawsakunanchikpaqmi (leey Mateo 5:3-6). Diosqa munanmi payta kasukunanchikta, kuyananchikta hinaspa ‘tukuy sunqunchikwan’ yupaychananchikta (Deuteronomio 10:12; Salmos 25:14). Jehova Diosta yupaychaspanchikqa sasachakuyña kaptinpas kusisqam kawsakusun.
ASTAWAN YACHAYKUSUN
Yachaykusun Jehova Dios kuyawasqanchikrayku kay allpa pachanchikta suma-sumaqta unanchasqanmanta. Yachaykusuntaq imaynata kusisqa kawsakunamantapas.
3. Jehova Diosqa munanmi kusisqa kawsakunanchikta
VIDEOTA qawaykuychik hinaspa qatiqninmanta rimariychik:
¿Imapaqtaq Diosqa kay allpa pachanchikta suma-sumaqta unancharqa?
Leeychik Eclesiastes 3:11 hinaspa qatiqninmanta rimariychik:
¿Imanasqataq Jehova Diosqa tukuy imata sumaqta unancharqa?
4. Diosqa hinallam munachkan kusisqa kawsakunanchikta
Leeychik Salmos 37:11, 29 hinaspa Isaias 55:11, chaymantañataq qatiqninmanta rimariychik:
Bibliapi leesqanchikman hinaqa, ¿Diosqa hinallachu munachkan kusisqa kawsakunanchikta?
Purmasqa wasiqa allichanallam. Chaynallataqmi kay allpa pachanchikpas purmasqa hina kachkan, ichaqa Jehova Diosmi hamuq tiempopi allichanqa kuyasqan runakunapaq.
5. Diosta yupaychaspallam kusisqaqa kawsakunchik
Hamuq tiempopi allinña kawsakunanchikmanta yachasqanchikmi kusichiwanchik. VIDEOTA qawaykuychik hinaspa qatiqninmanta rimariychik:
Video qawasqanchikpi warmichataqa, ¿imaynatam yanaparqa Diosmanta yachaykusqan?
Leeychik Eclesiastes 12:13 hinaspa qatiqninmanta rimariychik:
Jehova Dios tukuy imata ñuqanchikpaq unanchasqanqa, ¿imapaqtaq kallpanchawanchik?
WAKIN RUNAKUNAM NISUNKIMAN: “Diosqa tukuywan ñakarispa wañunallapaqmi unanchawarqanchik”, nispa.
Chaynata niptinku, ¿imatam paykunata niwaq?
YUYARIYKUSUN
Jehova Diosqa munachkanmi hamuq tiempopi kusisqa wiñaypaq kawsakunanchikta. Diosta servispaqa kunanpas kusisqam kawsakusunchik.
¿Ima niwaqtaq?
¿Imayna kawsakunankupaqmi Jehova Diosqa Adantawan Evata unancharqa?
¿Diosqa hinallachu munachkan kusisqa kawsakunanchikta?
¿Imaynatam kusisqa kawsakuwaq?
ASTAWAN YACHANAYKIPAQ
¿Eden huertaqa karqapunichu? Chaymanta kaypi yachaykuy.
“Eden huertamanta willakuyqa, ¿yanqachu?” (Tarinkim jw.org nisqanpi)
Kay allpa pachanchikqa manam haykapipas chinkanqachu. Chaymanta kaypi yachaykuy.
“¿Chinkachisqachu kanqa kay allpa pachaqa?” (Tarinkim jw.org nisqanpi)
Bibliapim nin imapaq kawsakusqanchikmanta. Chaymanta kaypi yachaykuy.
Kay runam tukuy imayuq kachkaspanpas mana kusisqachu karqa. Kunanqa kusisqañam ¿imanasqa? Chaypaq videota qawaykuy.
a Qatiqnin yachachikuypim yachasunchik imanasqa mana kusisqa kawsakusqanchikmanta.
-
-
¿Imaynatam Diosqa allpa pachata kamachimunqa?¿Imaynatam wiñaypaq kusisqa kawsakuchwan? Bibliamanta yachanapaq
-
-
2. ¿Sapallanchu Jesusqa kamachimunqa?
Jesusqa kay pachamanta akllasqa runakunapiwanmi hanaq pachamanta kamachimunqa. Paykunaqa kanku ‘llapallan ayllukunamantam, tukuy rikchaq rimaykunamantam, lliw llaqtakunamantam hinaspa lliw nacionkunamantam’ (Apocalipsis 5:9, 10). Hinaptinqa ¿haykataq paykunaqa kanku? Jesuswan kuska kamachimuqkunaqa 144.000 runakunallam kanku, paykunallam hanaq pachamanqa rinku (leey Apocalipsis 14:1-4). Diosman sunqu achkallay-achka runakunañataqmi kay allpa pachapi kawsakusunchik (Salmos 37:29).
-
-
¿Imaynañam kawsakusunchik Jesus kamachimuptinqa?¿Imaynatam wiñaypaq kusisqa kawsakuchwan? Bibliamanta yachanapaq
-
-
¿Imaynañam kawsakusunchik Jesus kamachimuptinqa?
Hanaq pachapiqa Jesusmi kamachichkanña. Manapas unaymantam kay allpa pachatapas kamachimunqaña. Pay kamachimuptinqa, ¿imaynañataq kawsakusun? Chaymantam kay yachachikuypi yachasunchik.
1. ¿Imatam Jesusqa ruwanqa hawkaña kawsakunapaq?
Diospa piñakuynin punchawpim Jesusqa mana allin ruwaq runakunata hinaspa kamachiqkunata chinkachinqa (Apocalipsis 16:14, 16). Arí, “ñam chayaykamuchkanña mana allin ruwaqkunapa chinkachisqa kayninkuqa” (Salmos 37:10). Jesus kamachimuptinqa mana chiqninakuspam hawkaña kawsakusunchik (leey Isaias 11:4).
2. ¿Imaynañam kawsakusunchik Jesus kamachimuptinqa?
Jesus kamachimuptinqa, “allin ruwaq runakunam allpataqa chaskinqaku. Hinaspankum chaypi wiña-wiñaypaq kawsakunqaku” (Salmos 37:29). Mayna sumaqchá kanqa llapallan runakuna allin kaqta ruwaptinkuqa, Diosta kuyaspanku runamasinkunatapas kuyaptinkuqa. Chaypiqa manañam pipas unqusunchu nitaq wañusunchu.
3. ¿Imaynaña kanapaqtaq Jesusqa runakunata yanapawasunchik?
Mana allin runakunata chinkarachispanmi Jesusqa 1.000 wata kamachimunqa. Jesusmi 144.000 yanapaqninkunawan runakunata yanapawasun mana pantaqña kananchikpaq. 1.000 wata pasaruptinqa enteron allpa pacham suma-sumaqña kanqa, runakunapas Diosta kasukusqanchikraykum kusisqaña kawsakusunchik. Diospa sutinqa manañamá pinqaypiñachu kanqa (Mateo 6:9, 10). 1.000 wata tukuruptinqa kikin Jehova Diosñam kamachimuwasunchik, hinaptinmi Dioslla allin kamachiq kasqanta yachasunchik. Chaymantam Diosqa satanastawan demonionkunata chaynataq mana kasukuqkunata qalaypaq chinkachinqa (Apocalipsis 20:7-10). Chaymanta qipamanqa Diosta kasukuqkunam kusisqa wiña-wiñaypaq kawsakusunchik.
ASTAWAN YACHAYKUSUN
Jehova Diosqa tukuy nisqankunataqa cumplinqapunim Jesus kamachimuptin. ¿Imanasqataq chaynapuni kananmanta ninchik? Chaymantam kaypi yachaykusunchik.
4. Manañam runakunachu kamachiwasun
‘Runaqa runamasinta munaychakuspam ñakarichin’ (Eclesiastes 8:9). Jehova Diosmi Jesusta kamachinqa ñakarichiwaqninchikkunata tukuchinanpaq.
Leeychik Daniel 2:44 hinaspa 2 Tesalonicenses 1:6-8, chaymantañataq qatiqninmanta rimariychik:
Kamachiq kananpaq taytan churaykusqanrayku, ¿imananqam Jesusqa kamachiqkunata hinaspa chay kamachiqkunaman sayapakuqkunatapas?
Jehova Dioswan Jesusqa kuyakuqmi kanku. Chaynaqa runakunata juzgaspankuqa, ¿allintachu hinaspa mana sayapakuspachu tantianqaku?
5. Jesusqa allintam kamachimuwasun
Jesus kamachimuspanqa yanapawananchikpaqmi tukuyta ruwanqa. VIDEOTA qawaykuychik, runakunata kuyasqanrayku Jesus imakunata ruwasqanmanta yachaykunaykichikpaq.
Jesus kay allpa pachapi kaspan tukuy ima ruwasqanmi yachachiwanchik hamuq tiempopi imakuna ruwananmanta. Qatiqninpim willawasunchik Jesus kamachimuptinqa imaynaña kawsakunanchikmanta. Qamqa, ¿imayna kawsakuytañam munawaq? Llapallan textokunata bibliapi maskaykuspa leeykuychik.
JESUS KAY PACHAPI KASPANMI...
JESUS KAMACHIMUPTINQA...
... nisyu-nisyu wayrata hawkayachirqa (Marcos 4:36-41).
... enteron allpa pacham suma-sumaq kanqa (Isaias 35:1, 2).
... achkallay-achka runakunaman mikuchirqa (Mateo 14:17-21).
... manañam pipas yarqaymantaqa kanqañachu (Salmos 72:16).
... achka runakunata sanoyachirqa (Lucas 18:35-43).
... manañam pipas unqunqañachu (Isaias 33:24).
... wañusqakunata kawsarichirqa (Lucas 8:49-55).
... manañam pipas wañunqañachu (Apocalipsis 21:3, 4).
6. Jesus kamachimuptinqa allinñam kawsakusun
Jesus kamachimuptinqa kay allpa pacham suma-sumaq kanqa, chaypim runakunaqa kusisqa kawsakusunchik qallariypi Diospa munasqanman hina. VIDEOTA qawaykuychik Jesus wañukusqanrayku Jehova Dios imakuna ruwananmanta yachaykunaykichikpaq.
Leeychik Salmos 145:16 hinaspa qatiqninmanta rimariychik:
Jehova Diosmi llapallanchikman munasqanchikta quwasunchik. Chayta yachaspayki, ¿imaynam tarikunki?
WAKIN RUNAKUNAM NINKU: “Llapallanchik huk sunqulla kaspaqa imatapas ruwachwanmi”, nispanku.
¿Ima sasachakuykunatataq runakunaqa allichayta mana atinkuchu? ¿Jesusqa atinqachu?
YUYARIYKUSUN
Jesus kamachimuptinqa llapallanchikmi kay allpa pacha suma-sumaq kaptin Diosta yupaychaspa qallariypi munasqanman hina kusisqa kawsakusunchik.
¿Ima niwaqtaq?
¿Imakunatam Jesusqa ruwanqa Diosninchik manaña pinqaypi kananpaq?
¿Imanasqataq mana iskayrayanchikchu Jehova Diosqa nisqankunata cumplinanmanta?
¿Jesus imakuna ruwanantataq munanki?
ASTAWAN YACHANAYKIPAQ
¿Imaynataq Diospa piñakuynin punchawqa kanqa? Chaymanta kaypi leeykuy.
Jesusmi nirqa ‘llumpa-llumpay ñakariy punchawkuna’ kananmanta, ¿imam chay tiempopi pasanqa? (Mateo 24:21). Chaymanta kaypi leeykuy.
Jesus kamachimuptin imayna kawsakunanchikpim piensananchik. Chaypaq videota qawaykuy.
Raudel Rodriguezmi llaqtanpi sasachakuykunallaña kasqanta qawaspan autoridadkunapa contranpi karqa. Paytaqa bibliamanta yachasqanmi kusisqaña kawsakunanpaq yanaparqa. Paymanta kaypi leeykuy.
“Bibliam imayna kawsasqanta cambiarqa” (Tarinkim jw.org nisqanpi)
-