“Puntataqa wawqikiwan allinyanakamuy”

Kaypi yuyaymanay: Jesuspa tiemponpi Galilea lawpi kawsakusqaykita. Jerusalen llaqtaman Ramada nisqanku huñunakuyman risqaykipi. Achka iñiqmasikikunapas tukuy lawmanta Jerusalenman hamusqankupi, chaynataq timpuy-timpuy Jerusalenpi runakunaqa kasqanpi. Cabraykita aysarikuspayki Jehova Diospa templonman risqaykipi. Chayaruptikiñataq templopa punkunpi achkallaña runakuna uywankuta aysarikuspa kasqanpi. Unay suyasqaykimanta cabraykita sacerdoteman qunaykipaq qanmanña tupasusqaykipi, ichaqa chaypi yuyariruwaq huk kaqnin iñiqmasiki qampaq piñasqa kasqanpi (qaway Mateo 5:24). ¿Imatataq ruwanaykichik Jesuspa nisqanman hina allinyanakunaykichikpaq? Qatiqninpi mayqan allin ruway kasqanta cuentata qukuy.

¿IMATATAQ RUWANAYKI?

• Piñasqa iñiqmasikiwanmi rimanayki qam piñachisqaykita riqsikuspalla.

• Piñasqa iñiqmasikiwanmi rimanayki paypas huchayuq kasqanta qawachinaykipaq utaq mana imaniykuna kasqanta qawachinaykipaq.

• Ima nisusqaykitapas sumaqta uyariy. Mana musyakustin sunqunta nanarachispaykipas pampachaykusunaykipaq niykuy.

¿IMATATAQ RUWANAN QAMPAQ PIÑASQA IÑIQMASIKIQA?

• Lliw iñiqmasinmanmi willakunan imapas ruwasqaykimanta, chaynapi payman sayapakunankupaq.

• Qamlla huchayuq kasqaykitam qawachisunayki, chayta riqsikunaykipaqmi hikutasunayki.

• Riqsikunanmi paywan allinyanakuq rinaykipaq kallpanchakusqaykita, hinaspam sunqumanta pampachaykusunayki.

Kunan tiempopiqa manañam Diospaqqa animalkunataqa kañapunchikñachu. Chayna kaptinpas, ¿ima nirqataq Jesusqa Diospa chaskisqan kanapaq imata ruwanamanta?