¿Imatam yachachiwanchik bibliaqa qukuykuq kanamanta?
¿Imatam bibliaqa yachachin?
Sunqumanta imatapas pimanpas quykuspanchikqa kusisqam tarikusunchik, chaskiwaqninchikpas kusisqam tarikunqa (Proverbios 11:25a; Lucas 6:38). Jesusmi nirqa: “Imapas quqmi aswan kusisqaqa imapas chaskiqmantaqa”, nispa (Hechos 20:35).
¿Imayna qusqanchikwantaq Diosqa kusikun?
Sunqumanta quykanakuptinchikqa Diosqa kusikunmi. Bibliapim nin: ‘Sapakamayá sunqunpi imam tantiasqanman hina quchun, amayá llakikuspachu nitaq obligasqachu, Diosqa kuyan kusikuywan quqtam’, nispa (2 Corintios 9:7).
Diosqa munanmi kuyakuywan yanapanakunanchikta (Santiago 1:27). Pitapas pisipusqanpi yanapaykuspanchikqa Diosmanmi prestachkanchik, Chaymantaqa Diosmi pagapuwasunchik (Proverbios 19:17). Bibliapim niwanchik pitapas yanapaykusqanchikmanta Diosña kutichipuwananchikmanta (Lucas 14:12-14).
¿Imayna qusqanchikwantaq Diosqa mana kusikunchu?
Diosqa manam kusikunchu...
...runakuna alabawanallanchikpaq quptinchik (Mateo 6:2).
...imatapas chaskikuyta munaspa quptinchik (Lucas 14:12-14).
...Dios salvawanachikraykulla quptinchik (Salmos 49:6, 7).
Diosqa manam kusikunchu mana allinta ruwananpaq pitapas yanapaptinchikqa. Arí, Jehova Diosqa manam kusikunchu pitapas tragota tomananpaq, apostananpaq utaq drogakunanpaq qullqita quptinchikqa (1 Corintios 6:9, 10; 2 Corintios 7:1). Manataqmi allinchu kanman llamkayta atichkaspa mana llamkay munaq qilla runaman qullqita quyqa (2 Tesalonicenses 3:10).
Diosqa manam munanchu wasinchikpi kaqkunapaq faltachkaptin hukkunaman qullqi qunanchiktaqa. Bibliapim nin qarikunaqa warminta hinaspa churinkunata mantienenanpaq (1 Timoteo 5:8). Chayraykum mana allinchu kanman familianpaq faltachkaptin hukkunaman qullqita quyninqa. Jesuspas piñakurqam “Diosmanmi quchkani” nispanku tayta-mamankuta manaña yanapaqkunawanqa (Marcos 7:9-13).
a Kay qillqapi ñawpaq testamentoqa Chuya Qellqa sutiyuq bibliamantam kachkan.