18 YACHACHIKUY
¿Mayqan religionpi kaqkunataq Jesusta kasukunku?
Yaqa llapallan runakunam ninku Jesusta qatikusqankuta, ichaqa yaqa llapallankum hukta-hukta yachachinku. Chaymantapas manataqmi Jesuspa yachachisqanman hinachu kawsakunku. Chaynaqa ¿imaynatam yachachwan Jesusta pikuna tukuy sunqunkuwan qatikusqankuta?
1. ¿Imaynataq kanku Jesusta tukuy sunqunkuwan qatikuqkunaqa?
Jesusta tukuy sunqunkuwan qatikuqkunaqa paypa nisqantam kasukunku (leey Hechos 11:26). Kikin Jesusmi nirqa: “Rimasqaykunata hinalla kasukuspaykichikqa qatiqniykunam kankichik”, nispa (Juan 8:31). Jesuspa qatiqninkunaqa paypa nisqantam tukuy imapi kasukunku. Chaymantapas Jesus hinam yachachispankuqa bibliapi nisqanman hina yachachinku (leey Lucas 24:27).
2. ¿Imaynam kanku Jesuspa qatiqninkunaqa kuyanakusqankurayku?
Jesusmi qatiqninkunata nirqa: “Kuyanakuychikyá imaynam qamkunata kuyasqayman hina”, nispa (Juan 15:12). Jesusqa qatiqninkunata kuyasqanraykum paykunapaq tiempochakurqa, kallpancharqa, yanaparqa hinaspa paykunarayku wañukurqapas (1 Juan 3:16). Jesuspa qatiqninkunapas kuyanakusqankuraykum kallpanchanakunku chaynataq yanapanakunku.
3. ¿Imapaqmi kallpanchakunku Jesusta tukuy sunqunkuwan qatikuqkunaqa?
Jesusqa qatiqninkunatam kamachirqa ‘Diospa gobiernonmanta willakamunankupaq’ (Lucas 9:2). Jesusta ñawpaq tiempopi qatikuqkunaqa manam huñunakusqanku wasikunallapichu Diosmantaqa yachachiqku. Yachachirqakutaqmi plazakunapi, callekunapi hinaspa wasin-wasinpas (leey Hechos 5:42; 17:17). Chaynam kay tiempopipas Jesusta tukuy sunqunkuwan kasukuqkunaqa maypi kaspankupas Diosmanta willakunku. Runamasinkuta kuyasqankuraykum tiempochakunku hinaspa kallpanchakunku bibliamanta yachaykachinankupaq, chaynapi kusisqa kawsakunankupaq (Marcos 12:31).
ASTAWAN YACHAYKUSUN
Kaypim yachaykusun Jesusta tukuy sunqunkuwan kasukuqkunaqa imayna runa kasqankumanta chaynataq imakunata ruwasqankumanta.
4. Bibliamantam imam kaqta yachayta munanku
Jesuspa qatiqninkunaqa bibliapi nisqantam kasukuqku.
“Jesuspim iñiniku” nichkaspankupas wakinqa manam bibliamantaqa yachayta munankuchu nitaq kasukuytapas. VIDEOTA qawaykuychik hinaspa qatiqninmanta rimariychik:
¿Imatataq wakin religionkuna ruwarqaku Diosmanta imam kaqta runakuna mana yachanankupaq?
Jesusqa bibliamantam yachachirqa. Leeychik Juan 18:37 hinaspa qatiqninmanta rimariychik:
Jesuspa nisqanman hinaqa ¿imaynatataq yachachwan pikuna payta qatikusqankuta?
5. Bibliamantam yachachinku
Jesuspa qatiqninkunaqa Diosmantam willakuqku.
Jesusqa hanaq pachaman manaraq kutichkaspanmi qatiqninkunata kamachirqa enteron allpa pachapi willakunankupaq. Leeychik Mateo 28:19, 20 hinaspa Hechos 1:8, chaymantañataq qatiqninmanta rimariychik:
¿Haykapikamam hinaspa maykunapim Diosmanta willakunanku karqa?
6. Yachachisqankuman hinam kawsakunku
¿Imanasqataq Tom sutiyuq runaqa mana iskayrayarqachu Jesusta kasukuq runakunata tarirusqanmanta? VIDEOTA qawaykuychik hinaspa qatiqninmanta rimariychik:
Videopi qawasqanchikman hinaqa, ¿imanasqataq Tomqa religionninmanta lluqsikurqa?
¿Imanasqataq Tomqa mana iskayrayanchu chiqap religionta tarirusqanmanta?
Rimasqanchikmantaqa kasukusqanchikmi aswan allinqa. Leeychik Mateo 7:21 hinaspa qatiqninmanta rimariychik:
¿Imataq Jesuspaqa aswan allin? ¿Qatiqnin kasqanchikmanta niyllanchikchu, icha kasukuyninchikchu?
7. Kuyanakunkum
Jesuspa qatiqninkunaqa kuyanakusqankuraykum yanapanakuqku.
Jesusta tukuy sunqunkuwan qatikuqkunaqa iñiqmasinkuta kuyasqankuraykum wañuytapas mana manchakunkuchu VIDEOTA qawaykuychik hinaspa qatiqninmanta rimariychik:
¿Imanasqataq Lloydqa iñiqmasin Johanssonta mana wañurachinankupaq harkakurqa?
¿Kuyanakunapaq Jesuspa kamachisqantachu Lloydqa kasukuchkarqa?
Leeychik Juan 13:34, 35 hinaspa qatiqninmanta rimariychik:
Jesusta kasukuqkunaqa, ¿imaynam runamasinkuwan kananku maymantaña kaptinkupas?
Chaynaqa, ¿Jesusta kasukuqkunaqa guerrakunaman rinmankuchu runamasinkuta wañuchiq?
WAKIN RUNAKUNAM NINKU: “Jesuspim iñikuniku niqkunaqa mana allinkunatam ruwanku, chaynallam llapallan religionkunapipas kanku”, nispanku.
¿Bibliapi mayqan textotataq leeykapuwaq Jesusta kasukuqkunaqa imayna kasqankumanta yachaykachinaykipaq?
YUYARIYKUSUN
Jesusta qatikuqkunaqa bibliapi nisqantam kasukunku, runamasinkuta kuyaspankum yanapaykunku hinaspam bibliamanta yachachinankupaqpas tiempochakunku.
¿Ima niwaqtaq?
Jesusqa bibliamantam yachachirqa, ¿chaynatachu qatiqninkunapas yachachinanku?
Jesusta qatikuqkunaqa, ¿imayna sunquyuq kasqankuwantaq riqsichikunku?
Jesuspa qatiqninkunaqa runamasinkuta kuyasqankurayku, ¿imapaqtaq kallpanchakunku?
ASTAWAN YACHANAYKIPAQ
¿Pikunataq kunan tiempopi kallpanchakuchkanku Jesuspa yachachisqanman hina kawsakunankupaq? Chaypaq videota qawaykuy.
Huk warmicham monja kasqanta saqiruspan Jehova Diospa testigonkunawanña Diosta servichkan. Kaypi paymanta leeykuy.
“Llapan tapukuyniytam Bibliawan contestawarqaku” (Willakuq, mayo-junio 2014)
Sasachakuykuna kaptinqa Jesusta qatikuqkunaqa yanapanakunkum. Chaypaq videota qaway.
Iñiqmasinchikkunatam yanapaniku sasachakuykuna kaptin (videopa partellan) (3:57)
Jesusqa nirqam qatiqninkuna imayna kawsakunankumanta. Kaypi yachaykuy ñawpaq tiempopi chaynataq kunan tiempopi Jesusta qatikuqkuna imayna kawsakusqankumanta.
“¿Imaynatam reqsichwan cheqap cristianokunata?” (Llaqta Cuidaq, abril-junio 2012)