-
¿Imaynatam imapipas allinta tantiakuchwan?¿Imaynatam wiñaypaq kusisqa kawsakuchwan? Bibliamanta yachanapaq
-
-
5. Hukkunapa tantiakusqankuta respetasunchik
Llapallanchikmi mana chaynallachu kanchik, chaymi wakiqninchikpa tantiakusqanchik allin kaptinpas wakinpaqqa mana allinchu kanman. Chayta sumaqta yachaykunapaq iskay iñiqmasinchikkunamanta rimaykusunchik.
1: Ñawinta, siminta pintakuq iñiqmasinchikmi huk llaqtaman astakuspan chaypiña huñunakuykunaman rinman, hinaptinmi chaypi warmi kaq iñiqmasinchikkunañataq pintakusqanrayku hukmanyanmanku.
Leeychik Romanos 15:1 hinaspa 1 Corintios 10:23, 24, chaymantañataq qatiqninmanta rimariychik:
Bibliapi leemusqanchikman hinaqa, ¿imapaqtaq pintakuq iñiqmasinchikqa tantiakunman? Qampas, imapas allin rikchakususqayki hukkunata hukmanyachiptinqa, ¿imapaqtaq tantiakuwaq?
2: Tragota aslla tomay mana hucha kasqanmanta bibliapi nisqanta yachaspanpas, qari iñiqmasinchik tantiakurunman manapuni tomananpaq. Huk punchawñataq kusirikunapaq huñunakuypi qawanman wakin iñiqmasinchikkuna tragota asllata tomasqankuta.
Leeychik Eclesiastes 7:16 hinaspa Romanos 14:1, 10, chaymantañataq qatiqninmanta rimariychik:
Bibliapi leemusqanchikman hinaqa, iñiqmasinchikqa ¿imanasqataq wakin iñiqmasinchikkunata mana hukmanta qawananchu? Qamqa, ¿hukmanyanaykichu tantiakusqayki hukkunapa tantiakusqanwan mana tupaptinqa?
Allinta tantiakunaykipaq kaykunata ruway
1. Jehova Diosta mañakuy allinta tantiakunaykipaq (Santiago 1:5).
2. Tantiakuy munasqaykimanta leey bibliapi hinaspa qillqanchikkunapi ima nisqanta, chaynapim yachanki Diospa nisqankunata. Tapukuwaqtaqmi allin yuyayniyuq iñiqmasinchikkunatapas.
3. Piensanaykitaqmi tantiakusqaykiwan imayna tarikunaykipi, chaynataq hukkunapas imayna tarikunankupi.
-
-
¿Imaynatam familiapi kusisqa kawsakuchwan? (1 kaq)¿Imaynatam wiñaypaq kusisqa kawsakuchwan? Bibliamanta yachanapaq
-
-
6. Casado vidapiqa ima sasachakuypas allichanallam
Casado vidaqa manam waytallachu nitaq rosasllachu. Chaymi ima sasachakuyña kaptinpas iskayninku yanapanakuspanku allichananku. VIDEOTA qawaykuychik hinaspa qatiqninmanta rimariychik:
Qawasqanchik videopi casadokunaqa, ¿imayna kasqankuwantaq karunchanakuchkarqaku?
¿Imakunata ruwanankupaqmi kallpanchakurqaku huk sunqulla kawsakunankupaq?
Leeychik 1 Corintios 10:24 hinaspa Colosenses 3:13. Sapakamata leeruspaykichik qatiqninmanta rimariychik:
¿Imaynam casado vidankupi kanqaku chaypi nisqanta kasukuspankuqa?
Bibliapim nin hukkunapaq allin kaqkunata ruwanamanta. Chaywanqa nichkantaqmi kuyanakunamantawan respetanakunamanta. Leeychik Romanos 12:10 hinaspa qatiqninmanta rimariychik:
¿Casadokunaqa ninankuchu “respetawaptinmi respetasaq manachayqa manam” nispa?
-
-
Allintam pachakunanchik¿Imaynatam wiñaypaq kusisqa kawsakuchwan? Bibliamanta yachanapaq
-
-
Llapanchikmi tantiasqanchikman hina pachakunchik. Bibliapi yachachikuykunam yanapawasun imayna pachakusqanchikwan Jehova Diosta kusichinapaq. Chaymantayá yachaykusun.
1. ¿Bibliapi ima nisqankunataq yanapawachwan allinta pachakunapaq?
Diosta yupaychaqkunaqa pachakunanchik ‘yuyaywan hinaspa mana pitapas hukmanta piensachinapaq hinam’. Chaymantapas, ‘Diospa munasqanman hina kawsaqkunaqa’ manam qachallañaqa purinanchikchu (1 Timoteo 2:9, 10). ¿Imakunatam kay textopa nisqanmanta yachachwan? 1) Allintam pachakunanchik ‘respetanapaq hina’. Haykapillapas huñunakuyman rispaykiqa rikurqankichá Diosta serviqkunaqa mana chaynallata pachakusqanchikta. Chaywanpas, imayna pachakusqanchikwan hinaspa ñaqchakusqanchikwanmi Diosta respetanchik. 2) Allin yuyaywan pachakuspanchikqa manam qawapayawananchikpaq hinachu pachakunanchik. 3) Chayllaraq lluqsimuq pachakunawan churakuspanchikpas ‘mana pitapas hukmanta piensachinapaq hinam’ pachakunanchik. 4) “Diospa munasqanman hina” pachakuptinchikqa sutillam kanqa Jehova Diosta yupaychaqkuna kasqanchik (1 Corintios 10:31).
2. ¿Hukmanyachichwanchu pitapas pachakusqanchikwan?
Sapakamam imaynata pachakunapaqqa tantiakuchwan, ichaqa hukkunatam wakinpiqa hukmanyachinman. Arí, pachanchikqa hukkunata mana hukmanyachinanpaq hinam kanan. Chaymi bibliapa nisqanta kasukunchik, chaypim nin: “Sapakamayá runamasinchikpa allinninpaq kaqkunata hinaspa kallpanchasqa kanankupaq kaqkunata ruwasunchik”, nispa (leey Romanos 15:1, 2).
3. ¿Yanapanmanchu imayna pachakusqanchik Diosmanta yachanankupaq?
Casarakuymanqa allin pachasqam rinchik, manam llamkananchik pachanchikwanchu. Chaynataqmi huñunakuyman rispapas utaq Diosmanta willakuq rispapas allinta pachakunanchik. Manam munanchikchu Diosmanta willakuq riptinchik imayna pachakusqanchikrayku mana uyariwananchiktaqa, aswanqa qawawaspanchik Diosmanta yachanankutam munanchik. Chaynapi ‘Diospa yachachikuynin sumaq kasqanta qawachinapaq’ (Tito 2:10).
ASTAWAN YACHAYKUSUN
¿Imaynatam yachachwan pachakusqanchik Diospa munasqanman hina kasqanta? Chaymantayá yachaykusun.
Autoridadkunaman rispanchikpas allintam pachakunanchik. Jehova Diosqa riqsinmi sunqunchiktaqa, chaymi respetanapaqqa allinta pachakunanchik.
4. Allinta pachakuspaqa Jehova Diostam respetanchik
¿Imanasqataq allinta pachakunanchik? Leeychik Salmos 47:2 hinaspa qatiqninmanta rimariychik:
Jehova Diosta yupaychaqkunaqa, ¿imaynatataq pachakunanchik?
¿Imanasqataq sumaqta pachakunanchik huñunakuykunaman rispanchik chaynataq Diosmanta willakuq rispanchik?
5. ¿Imataq yanapawasun imaynata pachakunapaq?
Manam pachanchikqa achka qullqipa chaninraqchu kanan. Mawkaña utaq musuqña kaspapas limpiom hinaspa Jehova Diosta kusichinanpaq hinam kanan. Leeychik 1 Corintios 10:24 hinaspa 1 Timoteo 2:9, 10. Chaymantañataq qatiqninmanta rimariychik:
¿Imanasqataq mana pachakuchwanchu lliki-llikillaña utaq qachallaña pachawanqa?
¿Imanasqataq mana pachakuchwanchu tiquy-tiquywanqa utaq qawapayawananchikpaq hinaqa?
Moisespa chaskisqan kamachikuyta kasukunapaq manaña obligasqa kaptinchikpas chay kamachikuykunaqa Diospa ima piensasqanta yachanapaqmi yanapawanchik. Leeychik Deuteronomio 22:5 hinaspa qatiqninmanta rimariychik:
¿Imanasqataq mana allinchu qaripa warmi hina pachakuyninqa utaq warmipas qari hina pachakuyninqa?
Leeychik 1 Corintios 10:32, 33 hinaspa 1 Juan 2:15, 16. Chaymantañataq qatiqninmanta rimariychik:
Imayna pachakusqanchikwan llaqtamasinchikkuna utaq iñiqmasinchikkuna hukmanyaptinkuqa, ¿imanasqataq manaña chaynatachu pachakunanchik?
¿Imaynatataq llaqtaykipi runakuna pachakunku?
¿Yaqachu chayna pachakusqankuman hina Diosta serviqkunapas pachakuchwan? ¿Imanasqam chaynata piensanki?
Imayna pachakunanchikpaq allinta tantiakuspaqa Diostam kusichisun.
WAKIN RUNAKUNAM NINKU: “Ñuqaqa munasqayman hinam pachakuni, imataq pitapas qukun”, nispa.
¿Ima niwaqtaq chayna nisqankumanta?
YUYARIYKUSUN
Imayna pachakusqanchikwanmi Jehova Diostawan runamasinchikta respetanchik.
¿Ima niwaqtaq?
¿Imanasqataq Diospa munasqanman hina pachakunanchik?
¿Bibliapi mayqin yachachikuykunataq yanapawachwan allinta pachakunapaq?
¿Pachakusqanchikqa hukkunata yanapanmanchu Diosta servinankupaq?
ASTAWAN YACHANAYKIPAQ
¿Allinchu kachkan imayna pachakusqayki? Chaymanta kaypi yachaykuy.
“¿Imatam hukkuna ninku imayna pachakusqayta qawaspanku?” (Tarinkim jw.org nisqanpi)
Manaraq tatuajeta ruwachikuchkaspam allinta piensarina. Chaymanta yachaykuy.
“¿Allinchu kanman tatuaje nisqankuta ruwachikuyninchik?” (Tarinkim jw.org nisqanpi)
¿Bibliapi mayqin yachachikuykunaraqtaq yanapasunkiman allinta tantiakunaykipaq? Chaymanta kaypi yachaykuy.
“¿Hatunchanchu Diosta imayna pachakusqanchik?” (Willakuq, septiembre 2016)
¿Imam huk warmita yanaparqa hukkunapa imayna pachakusqanta respetananpaq? Chaymanta kaypi yachaykuy.
-