Kaytapas estudiachwanmi
Umallamanta yachasun ‘Diospaq takinchikkunata’
Estados Unidospi yachaq iñiqmasinchik Lorrainem nin: “Hukmanyasqa tarikuspayqa JW Broadcasting® nisqapi takinchikkunata uyarispaymi kallpanchasqa tarikuni, chay takikunawanmi Jehova Diosqa kallpanchawan”, nispa.
Diosta serviqkunaqa ñawpaqmantaraqmi “yupaychana takikunawan” Jehova Diosta alabarqanchik (Col. 3:16). Sichu umallamanta yachanaykipaq kallpanchakunki hinaspaqa yuyankim Diospaq takina libronchik utaq celularniki mana kaptinpas. Umallamanta yachanaykipaqmi kaykuna ruway yanapasunki.
Tiempochakuy takikunapa letranta leenaykipaq hinaspa imamanta rimasqanta yachanaykipaq. Imamanta rimasqanta yachaspaqa yuyasunmi. Jw.org nisqapim kachkan lliw takinchikkuna, chaypim kachkan JW Broadcasting nisqapi lluqsimuq takinchikkunapas chaynataq warmachakunapaq takinchikkunapas. Takinchikkunata tarinaykipaq yaykuy “Qillqakuna” hinaspa “Takikuna” nisqanman.
Takipa letranta huk papelpi anotay. Chayqa yanapasunkim umallamanta yachanaykipaq (Deut. 17:18).
Kallpawan practicay. Anotasqayki takipa letranta takiy kuti-kutirispa.
Umallamantaña takinaykipaq kallpanchakuy. Mana papelta qawaspallayki takinaykipaq kallpanchakuy hinaspa imakunapi pantasqaykita musyakuy.