20 YACHACHIKUY
¿Imaynatam Diosqa serviqninkunata huk sunqulla kanankupaq yanapachkan?
Jehova Diosqa manam munanchu imapas llutanpi kanantaqa (1 Corintios 14:33, 40). Chaymi yanapawanchik huk sunqulla payta yupaychananchikpaq. ¿Imaynatam yanapawanchik? ¿Imaynatam yanapakuchwan huk sunqulla kananchikpaq?
1. ¿Pitaq Diospa llaqtanpi kamachiqqa?
‘Cristom iñiqkunapa uman’ utaq kamachiqqa (Efesios 5:23). Jesusqa hanaq pachamantam kamachimuchkan Diosta serviqkuna enteron pachapi imata ruwananchikpaq. Chaypaqmi churarun ‘allin ruwaq yuyayniyuq sirvienteta’. Paykunataqa riqsinchiktaqmi “Diospa llaqtanpi punta apaqkuna” nispapas. Paykunaqa kanku allin experienciayuq punta apaqkunam (leey Mateo 24:45-47). Apostolkuna hinaspa Jerusalenpi punta apaqkuna hinam paykunapas enteron pachapi iñiqmasinchikkunata yanapanku Diospa munayninta ruwanankupaq (Hechos 15:2). Imapaqpas tantianankupaqqa Diostam mañakunku, hinaspapas palabrantam leenku, Jesuspa nisqantapas kasukunkum.
2. ¿Imakuna ruwayniyuqtaq kanku iñiqkunapi punta apaqkunaqa?
Punta apaqkunaqa allin yuyayniyuqkunam kanku, paykunam bibliawan yachachinku hinaspam iñiqmasinchikkunata kallpanchanku. Paykunaqa manam qullqiraykuchu yanapanku iñiqmasinchikkunataqa, aswanqa Diosta kusichiyta munasqankuraykum (1 Pedro 5:1, 2). Kantaqmi punta apaqkunapa yanapaqninkuna, paykunapas bibliapa nisqanman hina kallpanchakuspankuqa punta apaqkunam kanmanku.
Diospa llaqtanpi punta apaqkunam wakiqnin punta apaqkunamanta akllanku iñiqmasinkuta llaqtan-llaqtan watukunankupaq. Watukunkuqa iñiqmasinkuta kallpanchanankupaqmi. Chaymantapas bibliapi nisqanman hina kawsakuqkunatam ninku punta apaq kanankupaq utaq punta apaqkunapa yanapaqnin kanankupaq (1 Timoteo 3:1-10, 12; Tito 1:5-9).
3. Jehova Diospa testigonkunaqa ¿imatam sapakama ruwaniku?
Llapallaykum ‘Jehova Diospa sutinta hatunchaniku’ huñunakuykunapi rimarispayku, yachachispayku, takispayku hinaspa atisqaykuman hina Diosmanta willakuspayku (leey Salmos 148:12, 13).
ASTAWAN YACHAYKUSUN
Yachaykusun Jesusqa imayna kamachikuq kasqanmanta, punta apaqkuna Jesusta imaynata qatipakusqankumanta, hinaspa Jesusta chaynataq punta apaqkunata kasukunanchikmanta.
4. Jesusqa kuyakuywan kamachiqmi
Jesusqa kuyakuywanmi niwanchik qatiqnin kananchikpaq. Leeychik Mateo 11:28-30 hinaspa qatiqninmanta rimariychik:
¿Imayna kamachiqtaq Jesusqa? ¿Imayna tarikunanchiktam munan?
Punta apaqkunaqa ¿imaynatam Jesusta qatipakunku? VIDEOTA qawaykuychik.
Bibliapiqa ninmi punta apaqkuna iñiqmasinkuta imaynata yanapanankupaq.
Leeychik Isaias 32:2 chaynataq 1 Pedro 5:1-3 hinaspa qatiqninmanta rimariychik:
Punta apaqkunaqa Jesus hinam sunqunchikta tiyaykachinankupaq kallpanchakunku. ¿Imaynataq tarikunki chayna kasqankuwan?
¿Imakunapiwanraqmi punta apaqkunaqa Jesusta qatipakunku?
5. Punta apaqkunaqa qatipakunapaqmi kanku
¿Punta apaqkuna imayna kanankutam Jesusqa munan? VIDEOTA qawaykuychik.
Jesusqa nirqam punta apaqkuna imayna kanankumanta. Leeychik Mateo 23:8-12 hinaspa qatiqninmanta rimariychik:
Bibliapi nisqanman hinaqa, ¿imaynataq punta apaqkunaqa kananku? ¿Curakunaqa hinaspa pastorkunaqa chaynachu kanku?
Punta apaqkunaqa bibliatam sumaqta estudianku kikinkupas hinaspa ayllunpas Diosman asuykunankupaq.
Punta apaqkunaqa llapallan iñiqmasinkunata yanapanankupaqmi kallpanchakunku.
Punta apaqkunaqa Diosmanta willakunankupaqmi kallpanchakunku.
Punta apaqkunaqa allin yachachiqmi kanku. Yanapakunkutaqmi pichaypipas hinaspa huk ruwaykunapipas.
6. Punta apaqkunatam kasukunanchik
Bibliapiqa niwanchikmi punta apaqkunata kasukunanchikpaq. Leeychik Hebreos 13:17 hinaspa qatiqninmanta rimariychik:
¿Imanasqataq bibliapiqa nin punta apaqkunata kasukunanchikpaq? ¿Chayna nisqanqa allinchu? ¿Imanasqa?
Leeychik Lucas 16:10 hinaspa qatiqninmanta rimariychik:
¿Imanasqataq punta apaqkunataqa llapanpi kasukunanchik?
WAKIN RUNAKUNAM NINKU: “Manam religionpiraqchu kananchik Dios chaskiwananchikpaqqa”, nispanku.
¿Imanasqataq ancha allin iñiqmasinchikkunawan kuska Diosta yupaychayqa? ¿Ima ninkitaq?
YUYARIYKUSUN
Jesusqa iñiqkunapa umanmi utaq kamachiqninmi. Paymi punta apaqkunata churarqa yanapawananchikpaq, yachachiwananchikpaq, chaymi paykunata kasukunanchik qatipakunapaq kasqankurayku.
¿Ima niwaqtaq?
¿Pitaq llapallan iñiqkunapa umanqa utaq kamachiqninqa?
¿Imaynatam punta apaqkunaqa yanapanku iñiqmasinchikkunata?
¿Imapaqmi Jehova Diospa testigonkunaqa sapakama kallpanchakunku?
ASTAWAN YACHANAYKIPAQ
Diospa llaqtanpi punta apaqkunaqa hinaspa huñunakusqanchikpi punta apaqkunapas llapallanchiktam anchata kuyawanchik. Kay videopi qaway imakuna ruwasqankumanta.
Llaqtan-llaqtan watukuq punta apaqkunapa imakuna ruwasqankuta kay videopi qaway.
Llaqtan-llaqtan watukuq iñiqmasinchikpa imayna watukusqan (4:51)
Kaypi leey warmikuna Diospa llaqtanpi ima ruwaypi yanapakusqankumanta.
Punta apaqkuna iñiqmasinkuta imayna kallpanchasqankumanta yachanaykipaq kay yachachikuyta leey.
Congregacionpi ancianokunaqa ‘kusisqa kanapaqmi yanapawanchik’ (Willakuq, 15 enero 2013)