¡Manténgase alerta! nisqa folletota estudianapaq
2005 watapi 23 de mayo killamanta, 20 de junio killakama, enterollan kay pachapi Estudio de Libro Congregacionpi estudiasunchik ¡Manténgase alerta! nisqa folletota. Qatimuq tapukuykunata servichikuy preparakunaykipaq otaq huñunakuypi yachachinaykipaqpas. Estudiopi, asignasqa paginakunatam leena, textokunatapas tiempopa haypasqanman hina.
23 de mayo semanapaq
◼ 3, 4 paginakuna: Kaypi willakusqakunamanta, ¿mayqankunam qamta masta llakichisunki? ¿Imakunam qawachiwanchik kaykuna pasasqanqa mana yanqalla kasqanta?
◼ 5 página: ¿Imanasqam mana iskayrayankichu ñoqanchikpi Dios interesakusqanmanta? ¿Imam qawachinman maykama Diospi interesakusqanchikta hinaspa paypa rurasqanpipas?
◼ 6-8 paginakuna: ¿Imatam nin Mateo 24:1-8, 14, kay pachapi tukuy rikchaq kasqanmanta? 2 Timoteo 3:1-5 nisqanman hina, ¿ima tiempopim kawsachkanchik? ¿Imamantam kay tukupay punchawkunaqa? ¿Imanasqam mana iskayrayankichu, Biblia Diospa Palabran kasqanmanta? ¿Imataq predicasqanchik Reinoqa?
◼ 9, 10 paginakuna: ¿Imanasqam sapa punchaw ima rurananchikpaqpas allinta yuyaymanakunanchik, kawsayninchikpi puntaman ima churananchiktapas? (Rom. 2:6; Gál. 6:7.) 10 paginapi tapukuykunapa nisqanman hina, ¿ima textokuna yuyaynikiman hamuqkunamanta yanapasunkiman kawsaynikipi?
30 de mayo semanapaq
◼ 11 página: ¿Imanasqataq sapakama allinta entiendenanchikqa kay paginapi tapukuykunata? (1 Cor. 10:12; Efe. 6:10-18.) Kay tapukuykunata imayna kutichisqanchikqa ¿imatam qawachin Mateo 24:44 Jesuspa nisqanta kasukusqanchikmanta?
◼ 12-14 paginakuna: ¿Imataq “juzganan hora” Apocalipsis 14:6, 7 nisqanqa? ¿Ima ninantaq “Diostayá manchakuywan alabaychik” nisqanqa? ¿Imataq hatun Babiloniaqa hinaspa imataq payta pasanqa? ¿Hatun Babiloniapi tarikuspaqa imatam rurananchik? ¿Imakunapas kanqa juzganan horapi? ¿Imaynatam tarichiwanchik ‘ima punchaw otaq imay hora’ Diospa piñakuynin punchaw chayamunanta mana yachasqanchikqa? (Mat. 25:13.)
◼ 15 página: ¿Imataq kanman Diospa tukuy munaychakuq kayninqa hinaspa imatam sapakama rurananchik?
◼ 16-19 paginakuna: ¿Imataq ‘mosoq cielokuna’ hinaspa ‘mosoq allpa’? (2 Ped. 3:13.) ¿Pitaq kaykunata munachin? ¿Imakunatam apamunqa mosoq cielokuna hinaspa mosoq allpapas? ¿Yanapawasunchu sapakamata tukuy chaykunaqa?
6 de junio semanapaq
◼ 20, 21 paginakuna: ¿Ima anyaytam Jesús nirqa qatiqninkunata punta kaq siglopi ayqekunankupaq? (Luc. 21:20, 21.) ¿Haykapim ayqekurqaku? ¿Imanasqataq utqayllata ayqekunanku karqa? (Mat. 24:16-18, 21.) ¿Imanasqataq achka runakuna willasqata mana kasukuyta munankuchu? ¿Imaynatam China hinaspa Filipinaspi runakunata yanaparqa anyasqankuta kasukusqankuqa? ¿Imanasqam astawanraq utqayta kasukunanchik kay pachapi tukupay tiempomanta Bibliapa willakusqanta? Manaraq tukupay punchaw chayamuchkaptin, ¿imatam utqayllata rurananchik? (Pro. 24:11, 12.)
◼ 22, 23 paginakuna: Australiapi (1974) Colombiapipas (1985) peligropi kasqanmanta anyasqa kachkaspapas, ¿imanasqataq achka runakuna mana kasukurqakuchu ichaqa imapim chayqa tukurqa? Chaypi kaspaykiqa, ¿kasukuwaqchu karqa chay anyaykunata, imanasqa? ¿Imakunam qawachinman sichu Noepa tiemponpi anyasqanta kasukuchwan karqa otaq manapas? ¿Imanasqataq runakuna yachayta munarqaku Sodoma llaqtapi, hichpankunapipas? ¿Imaynatam yanapawanchik Sodoma llaqtata pasasqanpi yuyaymanariyqa?
13 de junio semanapaq
◼ 24-27 paginakuna: 27 paginapi “Estudianapaq tapukuykunata” servichikuy.
20 de junio semanapaq
◼ 28-31 paginakuna: 31 paginapi “Estudianapaq tapukuykunata” servichikuy.
Kay folletomanta yachaymi yanapawasunchik ‘listolla kananchikpaq’ preparasqa kananchikpaqpas. Servicionchikpi rurasqanchik rikuchichun utqayta willasqanchikta angelpa nisqanman hina: “Diostayá manchakuywan alabaychik, juzganan horam chayaramunña” (Mat. 24:42, 44; Apo. 14:7).