Isqon kaq parte: Imaynatam estudianteta yachachichwan maypipas predicananpaq
Diosta servinankupaq hina estudiota qosun
1 Jesús Mesías kasqanmanta Andreswan Felipe yacharuspankuqa manam upallakurqakuchu, aswanqa willayta qallarirqaku chay allin willakuykunata (Juan 1:40-45). Chaynallataqmi kay tiempopipas: Biblia estudiaqkunaqa yachasqankupi iñiyta qallariptinku, kallpanchakunku yachasqankumanta rimanankupaq (2 Cor. 4:13). ¿Imaynatam yachachichwan hinaspa kallpanchachwan maypi tarikuspapas allinta predicanankupaq?
2 Estudiaqta tapuykuy Bibliapi yachasqanmanta sichus pimanpas willarunña. Kanmanpaschá ayllunkuna otaq amigonkunapas estudiasqanman invitananpaq. Tapuykuy sichus llamkaqmasinkuna, escuelapi estudiaqmasinkuna otaq reqsisqan runakunapas allin willaykunapi interesakunkuña. Yachachiy imaynatam paykunaman predicayta qallarinman. Entiendechiy, Jehová Diosmanta hinaspa munayninmanta rimaspaqa allinta musyakuspa, respetowan hinaspa sumaq simillawan rimananpaq (Col. 4:6; 2 Tim. 2:24, 25).
3 Willachun yachasqankunamanta. Ancha allinmi estudiaqkunata yachachiy, Bibliata servichikuspa predicanankupaq. Estudiasqaykichikpi importante yachaykunaman chayaspa, tapuy: “¿Imaynatam aylluykiman kay cheqapta Bibliawan yachachiwaq?” otaq “¿kaytaqa ima textowanmi amigoykita yachachiwaq?”. Musyay imayna kutichisqanta hinaspa yachachiy Bibliapa nisqanman hina explicananpaq (2 Tim. 2:15). Chaynatam yachachinki maylawpipas predicananpaq hinaspa Diospa mañasqanta cumpliptinqa congregacionwan predicananpaq.
4 Biblia estudiaqkunataqa yachachinam sasachakuykunata atipanankupaq (Mat. 10:36; Luc. 8:13; 2 Tim. 3:12). Predicanmankum pipas Jehová Diospa testigonkunamanta tapuptinku otaq rimaptinkupas. Los testigos de Jehová: ¿quiénes son y qué creen? nisqa folletom yanapanqa ‘listolla kaspa clarota contestanankupaq’ (1 Ped. 3:15). Chay folletopim estudiantekunaqa tarinqaku allin yachachiykunata uyariy munaq ayllunkuman hinaspa amigonkuman Jehová Diospa testigonkunapa rurasqankumanta hinaspa creesqankumanta Bibliawan willanankupaq.