May atisqanchik hina runakunaman allin willakuykunata apasunchik
1. ¿Imakunatam punta kaq cristianokuna rurarqaku allin willakuykunata may atisqanku hina runakunaman willanankupaq?
1 Jesuspa punta qatiqninkunam sonqomanta munarqaku Reinomanta willakuykunata cheqechiyta, chaypaqmi allinta tanteanakuspanku allichakurqaku allin willakuykunata lliw atisqankuman hina runakunaman willakunankupaq. Chaypaqmi, Biblia qellqaq cristianokunam griego rimaypi Diospa palabranta qellqarqaku, griego rimayqa entero Roma munaychakusqan nacionkunapi rimarqaku. Chaymantapas, iskay hinaspa kimsa pachaq watakunapiqa yaqapaschá tukuy sonqowan predicaqkuna kallpanchakurqaku hojayoq librokunata servichikuypi, chayqa manam qaramanta wankisqa qellqa hinachu karqa, aswanqa mana sasa qawanapaqmi.
2, 3. a) ¿Imaynatataq Isaías 60:16 nisqanqa tiemponchikpi cumplikuchkan? b) ¿Imaynatataq servichikuchkanchik rikurimuq maquinakunata cheqap yupaychayta cheqechinapaq?
2 Rikurimuq maquinakunata servichikuspa. Profeta Isaiasnintakama Jehová Dios willarqa: “Wawanta ñuñuq mama hinam nacionkuna uywasunki”, nispa (Isa. 60:16). Chay profeciapa kay tiempopi cumplikusqanpi, Diospa serviqninkuna nacionkunapa ima allin kaqninkunata servichikuchkanku predicacionta mirachinankupaq. Ejemplopaq, 1914 watapi, manaraq peliculakunata runakuna apuyanankupaq rurachkaptinkuraq, Biblia Estudiaqkunam “Foto-Drama de la Creación”, nisqata ruraruspanku qallarirqaku qawachiyta. Pusaq horapi qawanapaq kay peliculawanmi wara-waranqanpi runakunata yachachirqaku Diospa willasqanmanta, uyarikunapaq hina película hinaspa imaymana colorniyoq rikchanachiykunawan rurasqa kasqanrayku.
3 Tiemponchikpipas, Diospa llaqtanpiqa servichikunku apurawllaman ruraq hinaspa computadorawan manejasqa maquinakunata Bibliakunatawan huk qellqakunatapas achka pachaq rimaykunapi ruranankupaq. Tukuy kay qellqakunatam apachinku barcokunapi, avionkunapi, carrokunapipas allpapi maylaw kuchun llaqtakunamanpas, chaynatam 235 nacionkunapi runakunaman chayachinku qellqakunataqa. Jehová Dios espiritunnintakama serviqninkunata yanapachkan tukuy kay rikurimuq maquinakunawan yanapachikuspa Bibliapi willakuykunata lliw runakunamanpas willakunanpaq.
4. ¿Imakunatam wakin cristianokunaqa rurachkanku allin willakuykunata achka runakunaman chayachinankupaq?
4 Ñoqanchikpas cambiasunchik. Cheqap yupaychaqkunapas cambiokunata rurachkanku allin willakuykunata astawan achka runakunaman apanankupaq. Achka cristianokuna predicacionpi astawan llamkanankupaq kawsayninkupi rurayninkuta pisiyachichkanku. Wakinkunaqa, Reinomanta willaspa achka llamkanapaq llaqtakunamanmi richkanku chaypi predicanankupaq. Wakinkunañataqmi predicasqankupi yapanankupaq huk rikchay rimaykunata yachachkanku.
5, 6. ¿Imatam rurachwan llaqtanchikpi may atisqanchiman hina runakunaman predicananchikpaq?
5 Chaymantapas, achka runakunata yachachichwanmi allin willakuykunamanta wasinkupi kachkaptinku hinaspa maypi tarikusqankupi predicaspanchik. Predicasqaykipi wasiyoqkunata punchawninpi mana tarispaqa, ¿predicasqayki horata cambiawaqchu manaraq tutaykuqta predicaq lloqsinaykipaq? ¿Kanchu runakunapa llamkana otaq maypi tarikusqanku sitiokuna predicanapaq? ¿Haykallapipas predicarqankichu telefonowan otaq rantikunapaq sitiokunapi? ¿Predicankichu may kasqaykipipas?
6 ¡Mayna kusikunapaqmi Jehová Diospa sutinmanta hinaspa Reinonmanta willayqa! Hinallayá willasunchik cheqap kawsay qoq Diospa Palabranmanta may atisqanchikman hina runakunaman (Mat. 28:19, 20).