Kanchachkaq achki hina mozo-sipaskuna
1. ¿Imaynatam Biblia nin cristianokuna reqsisqa kanankupaq, hinaspa imaynatam chay nisqan kunan mozo-sipaskunapi cumplikuchkan?
1 Qatiqninkunatam Jesús nirqa: “Qamkunaqa runakunapaqmi achkiy hina kankichik” (Mat. 5:14, 16). Paykunaqa orqopa puntanpi intiwan kancharisqa llaqta hinam allin reqsisqa kananku. Kunan punchawkunapipas, cristiano mozo-sipaskunam “tutapi kanchaq lucero hinam sutilla lliwpa reqsisqan kachkankichik” allin kawsaynikichikwan hinaspa kusikuywan predicasqaykichikrayku (Fili. 2:15; Mal. 3:18).
2. ¿Imaynatam profesornikikunatawan estudiaqmasiykikunata predicawaq?
2 Escuelapi. ¿Imaynatam escuelaykipi predicawaq? Wakin mozo-sipaskunam escuelankupi drogamanta, imayna kawsay rikurimusqanmanta, Alemania nacionpi achkallaña wañusqankumanta hinaspa huk yachaykunamantapas estudiaspankum allinta valekurqaku predicanankupaq. Huk paninchikmi terrorismomanta tareanta ruraspan valekurqa yachachinanpaq imaynam Jehová Diospa Munaychakusqanllam cheqap suyakuytaqa lliw runakunapaq apamunqa. Profesoranmi admirakururqa allinpuni tarean rurasqanmanta, chaymi predicananpaq aswanta yanaparqa.
3. ¿Imaynatam allin portakuyniki yanapasunkiman escuelaykipi predicanaykipaq?
3 Kanchariwaqtaqmi allin rurasqaykiwan, Diospa agradonpaq pachakuspayki hinaspa allichapakusqaykiwanpas (1 Cor. 4:9; 1 Tim. 2:9). Profesornikikuna hinaspa estudiaqmasiykikunapas mana wakin hina kasqaykita qawaptinkum, ichapas allin kawsasqaykimanta wakinkuna cheqap yachayta munanqaku hinaspa Bibliamanta hinalla rimanaykipaqpas (1 Ped. 2:12; 3:1, 2). Sasapaschá kanqa Diospa munasqanman hina portakuyqa, ichaqa Jehová Diosmi yanapasunki kallpanchakusqaykimanta (1 Ped. 3:16, 17; 4:14). Samasqayki ratopi Bibliamanta qellqakunata leespayki otaq qawanankupaq hina saqeptikiqa, ichapas Bibliamanta yachayta pipas munanman.
4. ¿Ima allinkunatam tarichwan escuelapi predicaspa?
4 Escuelaykipi kanchariq hina predicaptikiqa iñiynikim kallpanchakunqa hinaspam kusisqallaña kanki Jehová Diosta servispayki (Jer. 9:24). Chaytaqmi imakunamantapas harkasunki. Huk paninchikmi nirqa: “Estudiaqmasiykunata iñiyniymanta rimasqaymi yanapawan, mana Bibliapa contranpi ruranaypaq”.
5. a) ¿Imaynatam masyachichkanku servicionkuta wakin mozo–sipaskuna? b) ¿Imakunatam espiritualpi haypayta munanki?
5 Servicioykita masyachiy. Achka mozo-sipaskunam achkiyninta kancharichinku servicionta masyachispanku. Escuelanta tukuruptinmi, huk hermanonchik huklaw nacionta pasarqa mana achka predicaqkuna kasqanman, chaypim chullalla ancianoyoq taksa congregacionta yanaparqa. Amigonta qellqaspanmi nirqa: “Kay pasasqaykunam aswan allin kawsayniypi. ¡Predicayqa allintam sientechikun! Runakuna tukuy rimasqaykuta uyariyta munasqankuraykum sapa punkupi qeparqaniku iskay chunka minutota hina.” Nirqataqmi: “Munaymanmi lliw mozo–sipaskuna kaqllata ruranankuta hinaspa ñoqa hina sientekunankupaq. Tukuy kapuwaqninchikwan Jehová Diosta serviyqa aswan allinmi imamantapas”.
6. ¿Imanasqam kusisqa sientekunki congregacionpi mozo-sipasninchikkunamanta?
6 ¡Mayna kusisqam sientekuniku mozo-sipas kay pachapi qam achkiq hina kancharisqaykimanta! (1 Tes. 2:20.) Jehová Diosta tukuy sonqoykiwan, tukuy vidaykiwan, tukuy yuyaynikiwan hinaspa tukuy kallpaykiwan servispaykiqa chaskinkim ‘kay tiempopi pachak kuti masta [...], hamuq tiempopiñataqmi wiñay kawsayta’ (Mar. 10:29, 30; 12:30).