Enteron pachapi predicayninchikqa manam kunan hinaqa rurakurqachu
Jehová Diospa testigonkunaqa allin arreglota ruraspam pachak wata masnintaña allin noticiamanta willakuchkanchik (1 Cor. 9:23). Enteron pachapi predicayninchik kunan hina mana haykapipas rurakusqanraykum, Diosmanta willakusqanchikqa pachaknintin rimaykunapi uyarikuchkan hinaspa iskay pachak kimsa chunka masnin nacionkunapipas (Mat. 24:14). ¿Imanasqataq allinpuni predicayninchikqa? ¿Imaynatam enteron pachapi rurakuchkan?
Los testigos de Jehová: organizados para predicar las buenas nuevas, nisqa videom yanapawasun kay tapuykunata kutichinapaq, chaypim qawachiwanchik achka nacionkunapi imaymana llamkasqanchikta. Kay videota qawaspaykiqa kallpanchakuy qatiqnin tapukuykunata kutichinaykipaq: (1) ¿Imaynatam allichakun hinaspa apakun imaymana llamkasqanchik? (2) ¿Imaynatam yanapakunku Diospa munaychakusqan willakusqa kananpaq Bibliamanta qellqanchikkunata Tikraqkuna, Qellqaqkuna, Dibujaqkuna hinaspa Uyarinapaq chaynataq Qawanapaq casetekunata ruraqkunapas? (3) ¿Imapaqmi qellqanchikkunaqa achkanpi rurakun hinaspa enteron pachapi aypusqa kachkan? (Juan 17:3.) (4) ¿Hayka qellqakunatam watapi rurakun? (5) ¿Imaynatam runakunata yanapan Bibliamanta qellqanchikkuna? (Heb. 4:12.) (6) ¿Imam rurakuchkan mana qawakuqkunapaq chaynataq mana uyariqkunapaqpas paykunata Bibliamanta yachachinapaq? (7) ¿Maymantam qollqeta horqonku predicayninchik enteron pachapi apakunanpaq? (8) ¿Imaynatam yanapawanchik Hospitalkunamanta Willawananchikpaq encargakuqkuna, Predicasqanchikmanta qawaqkuna hinaspa Asambleakunamanta qawaqkunapa llamkasqanku? (9) Jehová Diospa testigon kaspayki, kay video qawasqaykiman hina, ¿imaynatam astawan chaninchawaq (a) sumaq noticia predicasqa kananpaq Diospa llaqtanpa kallpanchakusqanta? (b) enteron allpapi pachak masnin Betel wasikunapi llamkasqankuta? (c) superintendentekuna hinaspa misionerokuna aswan allin yachachisqa kanankupaq arreglo rurakusqanta? (d) sapa punchaw qallariypi huk textomanta yachayninchikta hinaspa sapa semana huñunakuykunapaq preparakuyninchikta? (e) huñunakuykunaman risqanchik allinninchikpaq kasqanta? (f) hamuq tiempopi kay pacha sumaq huerta kananmanta yachasqanchikta? (Isa. 11:9.) (g) kunan tiemponchikpi allin sonqoyoq runakunata yachachiypi yanapasqanchikta? (Juan 4:35.)
¿Imaynam tarikurqaku kay videota qawaspanku aylluykikuna, reqsisqaykikuna, yachay munaqkuna hinaspa Biblia estudiaqkunapas? ¿Imanasqataq kay punchawkunallapi hukkunamanpas mana qawaykachinkichu kay videota hinaspa yachaykachinkichu Bibliamanta? (Mat. 28:19, 20.)