Kanmanchu imanchikpas Jehová Diosman qonanchikpaq
1 ¿Imatataq Diosmanqa qoyta atichwan? Jehová Diosmanmi Abel sutiyoq runaqa animalninmanta kañasqa ofrendata qorqa, Noey hinaspa Jobpas chaynatam rurarqaku (Gen. 4:4; 8:20; Job 1:5). Chayna rurasqankuqa manamá Unanchaqninkuta apuyachinankupaqchu karqa, tukuy imapas paypamiki. Aswanqa chayna rurasqankuwanmi kuyasqankuta qawachirqaku. Ñoqanchikpas ‘Diostayá alabasunchik’ tiemponchikwan, kallpanchikwan hinaspa kapuqninchikwanpas (Heb. 13:15)
2 Tiemponchikta: Mayna allinmá kanman wakin rurananchikkunamanta ‘Tiemponchikta mana usuchispa’ servichikuyqa astawan predicananchikpaq (Efe. 5:15, 16). Ejemplopaq, tiempochakuchwanmi watapi huk kutita otaq mastapas precursor auxiliar hina servinanchikpaq. Otaq predicacionpipas astawanmi quedakuchwan masta predicanapaq. Sapa semana kimsa chunka minutota predicasqanchikpi quedaspaqa ¡iskay horastaraqchá informasun! killapi informasqanchik horaskunamantapas.
3 Kallpanchikta: Ganaswan predicayta munaspanchikqa, cuidakunanchikmi pisipachikuq kusirikuykunamanta chaynataq llamkaykunamantapas Jehová Diosta allinta servinanchikpaq. Chaymantapas manam llumpayta preocupakunanchikchu sonqonchikta hukmanyachiq sasachakuykunapi, manachayqa pisiyarachinmanmi Diosta servinanchikpaq kallpanchiktapas (Pro. 12:25). Razonninchikpi llakisqa kaspanchikpas preocupacionninchiktaqa Jehová Diosmanmi willananchik (Sal. 55:22; Fili. 4:6, 7).
4 Kapuqninchikta: Kapuqninchikwanpas yanapachwantaqmi Diospa Gobiernonmanta predicaciontaqa. Chaymi, apostol Pablopas chay tiempopi iñiqmasinkunata kallpancharqa ‘ofredankuta huñunankupaq’ chaynapi pisipuqniyoqkunata yanapaykunankupaq (1 Cor. 16:1, 2). Ñoqanchikpas atichwanmi kapuqninchikta rakispa qoykuytaqa, congregacionpa ima faltasqanpi yanapakunapaq chaynataq allpantinpi predicacionta yanapanapaqpas. Jehová Diosqa anchatam chaninchan sonqonchikmanta atisqanchikman hina qoptinchikqa (Luc. 21:1-4).
5 Jehová Diosqa llapa imatam qowanchik (Sant. 1:17). Payta, agradecekusqanchiktam qawachisunchik servinanchikpaq tiemponchikta, kallpanchikta hinaspa kapuqninchiktapas qoykuspanchik. Chayta ruraspamá kusichisunchikqa, “Diosqariki kuyan kusikuywan qoykuqtam” (2 Cor. 9:7).