75 kaq taki
¿Imaynanpitaq kusisqa kawsananchik?
1. Dios bendeciwasqanchikraykum
ancha kusisqa kachkanchik.
Llampu sonqo runamasinchik
Diospa llaqtanman hamuptin,
kusikuyninchikta Jehová Dios
palabranwan kallpanchaptin,
Jehová Diospi iñisqanchikta
sapa punchaw willaspanchik.
Qaqa hina takyasqam kachkan
sonqonchikpi kusikuyqa.
Sasachakuykuna kaptinpas
Diosmi yanapaykuwanchik.
(CORO)
Kusichikunmi Diosninchik,
tukuy ima rurasqanwan.
Atiynintawam kuyakuynintam
qawachin rurasqankuna.
2. Tukuy unanchasqankunatam
ancha kusisqa qawanchik.
Jehová Diostam hatunchachkanku
cielopiwan kay pachapas.
Jehová Diospa Gobiernonmantam
kusisqa lliwman willanchik.
Gobiernon qallarisqanmantam
kusisqa lliwman willanchik.
Wiñaypaq kusikuyninchikqa
ñamá chayaykamuchkanña.
Jehová Diospa Gobiernonwanmi
kusisqa kawsakusunchik.
(CORO)
Kusichikunmi Diosninchik,
tukuy ima rurasqanwan.
Atiynintawam kuyakuynintam
qawachin rurasqankuna.
(Qawariytaq Deu. 16:15; Isa. 12:6; Juan 15:11.)