‘Kuyaychik lliw iñiqmasikichikkunata’
Chay nisqanmi Diospa chuya espiritunpa yanapayninwan qellqakurqa yaqa iskay waranqa wata ñawpaqtaraq (1 Ped. 2:17). Chay nisqantaqa astawanraqmi kay tiempopi kasukunanchik. Ichaqa, ¿imaynatataq kuyachwan allpantinpi iñiqmasinchikkunata? Kikillankupaq munaq runakunapa kasqanpim kawsanchik, ¿imatam ruwachwan kuyakuyninchik mana chiriyarunanpaq? (Mat. 24:12.) Toda nuestra asociación de hermanos niq videota qaway, qatiqninpi tapukuykunata contestanaykipaq.
1) ¿Haykapimantataq Allpantinpi cristianokunapa iñiqmasin kanchik? 2) ¿Ima kimsa ruwaykunatataq Allpantinpi iñiqmasinchikkuna ruwanku? 3) ¿Imaynatam iñiqmasinchikkuna qawachin predicay munasqankuta a) Alaska lawpi, b) Europa lawpi barcokunapa sayananpi, c) Perú nacionpa yunkankunapi? 4) ¿Imanasqataq piensananchik predicayninchikqa ima ruwaymantapas aswan allin kasqanta? 5) Jehova Diospa testigonkuna imaynata yanapanakuspa kallpanchanakusqankumanta rimariy a) terremoto pasaruptin, b) sinchi wayra pasaruptin, c) wañuchinakuy kaptin. 6) ¿Imakunata ruwaspam qawachichwan iñiqmasinchikkunawan kuyanakusqanchikta? (Juan 13:35.) 7) ¿Imapitaq yanapawanchik Huñunakunanchik Salonta ruwaypi yanapanakusqanchikqa? 8) ¿Imaynatam Europa oriental hinaspa Rusia lawkunapi kaq iñiqmasinchikkuna iñiyninkupi hinalla takyarqaku Diosta serviyninkuta harkaruptinku? 9) ¿Ima admirakuypaq kaqkunatam iñiqmasinchikkuna ruwanku kimsa punchaw asambleakunaman rinankupaq hinaspa imanasqa? 10) ¿Imaynatam kallpanchasunki kay video a) Jehova Diosta huk sonqolla servinaykipaq, b) sasachakuypi iñiqmasinchikkunata yanapanaykipaq, c) maypipas predicanaykipaq? 11) ¿Imaynatam kay videota servichikuchwan predicasqanchikpi pitapas yanapanapaq?
Jehova Diosta kuyasqanchikraykum cristianokunaqa huk sonqolla kanchik. Chayraykum Diosmanta astawan yachayta munanchik chaynataq paymanta hukkunaman willakuytapas. Kuyanchiktaqmi Jehova Diospa kuyasqankunatapas. Sasachakuy tiempokunapi imanchikwanpas iñiqmasinchikkunata yanapaspaqa manam suyanchikchu Dios kutichipuwananchiktaqa. Aswanqa Jehova Diostam agradecekunchik llaqtanpi kananchikpaq favorecewasqanchikmanta. Kikillankupaq munaq runakuna juicio punchawpi wañunankupaq hichpallaña kaptinpas hinallam kuyanakusunchik lliw iñiqmasinchikkunawan.