Diosmanta willakuqkunata qatipakusun: Nahum
1. ¿Imatam yachanchik Nahum libropi?
1 Ninive llaqtapa raqayninkunam qawachin Nahumpa willakusqanman hina Diosqa enemigonkunata castigasqanmanta. Manam mayqen enemigonpas Diospa contranpiqa sayayta atinmanchu (Nah. 1:2, 6). Nahumpa willakusqanmanta allinta yachasqanchikqa yanapawachwanmi Diosmanta willakusqanchikpi.
2. ¿Imanasqam willakusqanchikqa allin noticia?
2 Consuelaspam suyakuyniyoq kanankupaq yanapana. Wakinpiqa piensachwanmi Nahum libroqa Ninive llaqta castigasqa kananmanta rimasqallanta (Nah. 1:1; 3:7). Diosta serviqkunapaqmi ichaqa Nahumpa willakusqankunaqa allin noticia karqa. Nahum ninanqa “consuelakuq” ninanmi, chaywanmi judiokunaman qawachirqa enemigonkuqa chinkanankupaqña kasqanta. Nirqataqmi Diosqa ‘sasachakuy punchawpipas amparakuq’ kasqanta (Nah. 1:7). Diosmanta willaspam ñoqanchikpas runakunata consuelaspa paypi amparakunankupaq kallpanchanchik (Nah. 1:15).
3. ¿Imaynatam Nahum hina willakuywan hinaspa rikchanachiywan yachachichwan?
3 Willakuywan hinaspa rikchanachiywanmi yachachina. Diosmi Nahumta kallpancharqa Egiptopi Tebas llaqtata asiriokuna imayna purmachisqanmanta willakunanpaq, hinaspam chaywan rikchanachirqa Ninive llaqtata ima pasananmanta (Nah. 3:8-10). Diosta mana kasukuq runakuna chinkachisqa kanankumanta willaspaqa Bibliapim qawachichwan Diospa willachisqankuna imayna cumplikusqanta. Kaypi reparasun Babiloniamanta, Media nacionmanta kaq tropakunam 632 watapi Niniveta purmachinankupaq yaykurqaku. Llumpayta paraptinmi Tigris mayu huntaruspan llaqtapa muyuriqninpi hatun perqakunata tuñirachirqa. Chaymi Diospa willachisqanman hina Ninive llaqtata munaychakururqaku (Nah. 1:8; 2:6).
4. ¿Imaynatam rimananchik Diosmanta yachachispaqa?
4 Entiendenankupaq hinam rimana. Nahumpa qellqasqan profeciaqa kallpanchawananchikpaq hinaspa mana sasachakuspa entiendenapaqmi (Nah. 1:14; 3:1). Ñoqanchikpas entiendenankupaq hinam yachachinanchik (1 Cor. 14:9). Pimanpas chayllaraq watukuspaqa chayllam willananchik imapaq watukusqanchikmanta. Biblia estudiaqtam yanapananchik Jehova Diospi hinaspa Palabranpi iñinanpaq, entiendechinataqmi Diosmanta yachasqanqa imayna yanapasqantapas (Rom. 10:14).
5. ¿Imamanta mana iskayrayanapaqmi Nahumpa willakusqanqa kallpanchawanchik?
5 Nahumqa manam iskayrayarqachu Jehova Diospa nisqankuna imayna cumplikunanmantaqa, chaytam sutillata qawachin qellqasqan libropi. Satanaspa munaychakusqan mundo puchukananpaq hichpamusqanmanta yachasqanchikmi consuelawanchik, Diosqa chayllam ‘enemigonkunamanta vengakunqa’ (Nah. 1:9, Chuya Qellqa revisión 2012).