¿Imakunamantam Diospa Palabran yachachin? niq qillqanchiktayá servichikusun
1. ¿Imatam Diosmanta willakunapaq servichikuchwan?
1 Qayna watallam ¿Imakunamantam Diospa Palabran yachachin? niq qillqanchikta chaskirqanchik. Chaypim castellano rimaypi Razonamiento niq qillqapi hina Bibliapa nisqankuna kachkan, chaymi ancha allin kachkan runakunaman yachachinapaq. ¿Imaynatam chayta servichikuchwan runakunawan rimayta qallarinapaq?
2. ¿Imaynatam allinta servichikuchwan ¿Imakunamantam Diospa Palabran yachachin? niq qillqanchikta?
2 Ichapas 8 kaq tapukuyta servichikuspa niwaq: “Vecinoykikunawan rimaspaymi musyakurqani ñakariykunamanta Dios huchayuq kasqanta piensasqankuta [wakinpiqa allinmi kanman qillqapi kaq tapukuyninta qawachiy]. ¿Ima niwaqtaq? [Kutichinanta suyay]. Bibliam chaymanta willawanchik”. Chaymantapas leepuwaqmi Bibliapa wakin nisqankunata. Uyarisuqniki astawan yachayta munaptinqa yapapi kutispa rimanaykichikpaqmi qawachiwaq qallariypi kaq 20 tapukuykunata. Chaymantapas Bibliamanta yachachinapaq qillqanchikkunatam servichikuwaq, hinaspam chaypi astawan yachachisqanta niwaq.
3. ¿Imaynatam huk religionniyuq runakunawan Diosmanta rimayta qallarichwan?
3 Ancha allinmi 4, 13-17 tapukuykunata servichikuspa huk religionniyuq runakunawan rimanapaqpas. 17 tapukuyta servichikuspam niwaq: “Wasinchikpi kaqkunawan huk sunqulla kawsakuyqa sasam, ¿aw? [Kutichinanta suyay]. Wakin casarasqakunam kallpanchakunku Bibliapa kayna nisqanta kasukunankupaq: ‘Warmiñataqyá qusanta respetachun’, niqta [atispallam Efesios 5:33 nisqanta qawachiwaq. Warmiwan rimaspaqa Efesios 5:28 nisqanmantam aswanqa rimawaq]. ¿Yaqachu Bibliapa chayna nisqanta kasukuy allin kanman?”.
4. ¿Imatam ruwawaq huk religionniyuq runawan rimayta tukuruspaqa?
4 Rimayta tukuruspaqa yapapi kutispa hinalla chay tapukuyninmanta rimanaykichikpaqmi niwaq. Kutispaqa leepuwaqmi chay qillqapi rikuriq Bibliapa wakin nisqankunatapas. Willawaqtaqmi yachachisqaykikunaqa Bibliamanta hurqusqa kasqanta. Quwaqtaqmi yachachisqaykiwan tupaq qillqanchikkunatapas (qaway diciembre 2013 Diospaq Llamkayninchik pag. 3-6).