BIBLIAMANTA ASTAWAN YACHANAPAQ | ESTER 6-10
Esterqa Diostam puntata kasukurqa hinaspam llaqtantapas yanaparqa
Esterqa mana manchakuq kasqantam qawachirqa llaqtamasinkunata yanapaspan
Esterwan Mardoqueoqa hawkam kachkarqaku, judiokunam ichaqa wañunankupaqña kachkarqaku Amanpa kamachisqan Persia nacionpa munaychakusqan llaqtachakunaman apachisqa kasqanrayku.
Esterqa kaqmantam wañuypa patanpi tarikurqa kamachiq Asuerowan rimaq rispan. Llaqtamasinkunamanta waqaspanmi Asuerota mañakurqa Amanpa kamachisqanta yanqachananpaq.
Persia nacionpi kamachiqpa kamachikuyninkunaqa manam yanqachasqaqa kanmanchu karqa, chaymi Asueroqa Estertawan Mardoqueota nirqa musuq kamachikuyta qillqanankupaq.
Jehova Diosmi llaqtanta yanapaykurqa
Esterpa hinaspa Mardoqueopa qillqasqanku musuq kamachikuypiqa judiokunatam nirqa mana wañunankurayku peleanankupaq.
Chay kamachikuyta apaqkunaqa caballopim karullay-karu llaqtakunaman chayarqaku, chaymi judiokunaqa peleanankupaq suyarqaku.
Runakunam qawarqaku Jehova Dios llaqtanta libraykusqanta chaymi judiokunawan kuska Jehova Diostaña yupaycharqaku.