Suyasqanchikkunam kusichiwanchik

Suyakuyninchikqa buqueta sayachiq llasaq fierro hinam ñuqanchikpaqqa (Heb 6:19). Yanapawanchikmi ima sasachakuypiña tarikuspapas iñiyninchikpi mana chiriyarunapaq (1Ti 1:18, 19). Chay sasachakuykunaqa kanmanmi pantasqanchikkunamanta ñakakuy, mana kapuqniyuq qiparuy, unay tiempo unquy, ayllunchikpa wañukusqan utaq imapas Diosmanta karunchawaqninchik kaqkuna.

Iñiyninchikwan suyakuyninchikqa yanapawanchikmi hamuq tiempopi tukuy ima chaskinamanta mana iskayrayanapaq (2Co 4:16-18; Heb 11:13, 26, 27). Chaymi ancha allin kay pachapi kawsayta suyaspapas utaq hanaq pachapi kawsayta suyaspanchikpas bibliapi chaymanta willakusqankunata ñawinchaspa yuyaymanayqa. Chayna ruwayninchikqa yanapawasunmi ima sasachakuypiña tarikuspapas mana hukmanyarunapaq (1Pe 1:6, 7).

HAMUQ PUNCHAWPI IMAYNA KAWSAKUNANCHIKTA YUYASUN SUTIYUQ VIDEOTA QAWARUSPAYKICHIK QATIQNINPI TAPUKUYKUNAMANTA PARLARIYCHIK:

• ¿Imanasqataq Moisesqa qatipakunapaq hina?

• ¿Imatam tayta-mamakuna ruwananku ayllunkupaq?

• ¿Imakunamantam rimawaqchik aylluykichikwan Diosta yupaychaspa?

• ¿Imaynatam hamuq punchawpi allinña kawsakunanchikmanta yachayqa yanapawanchik sasachakuykunata atipanapaq?

• Qamqa, ¿imatam suyachkanki?