Jesusmi aslla runakunawan achkallaña runakunaman mikuchirqa

32 watapi pascua fiesta manaraq kachkaptinmi Jesusqa huk milagrota ruwarqa, chay ruwasqanmantam willakun Mateo, Marcos, Lucas hinaspa Juanpas.

Kunanpas ñawpaqpi hinam Jesusqa aslla runakunawan qatiqninkunata yanapachkan.

14:16-21

• Jesusmi qatiqninkunata kamachirqa achkallaña runakunaman mikuchinankupaq, qatiqninkunapa pichqa tantawan iskay challwallanku kachkaptinpas.

• Diosta mañakuykuspanmi Jesusqa qatiqninkunaman tantakunatawan challwakunata qurqa, paykunañataqmi muyuriqninkupi runakunaman aypurqaku.

• Llapallankum saksanankukama mikurqaku, hinaptinmi puchuqkunatapas huñurqakuraq. Jesusqa aslla qatiqninkunawanmi achkallaña runakunaman mikuchirqa.

  

• Jesusqa nirqañam tukupay tiempokunapi qatiqninkunata ‘tiempollanpi mikuchichkaq’ hina yanapananmanta (Mt 24:45).

• 1919 watapim Jesusqa akllarurqa hanaq pachapi kawsakuy suyaqkunamanta wakinta ‘allin ruwaq yuyayniyuq sirviente’ kanankupaq. Chaynapi ‘sirvientekunata’ utaq Jesuspa lliw qatiqninkunata mikuchichkaq hina iñiyninkupi yanapanankupaq.

• Chaynatam Jesusqa lliw qatiqninkunata kunanqa yanapachkan, kay pachapi kachkaspan ruwasqanman hina.

Jesusqa qatiqninkunata iñiyninpi yanapananpaqmi ‘allin ruwaq yuyayniyuq sirvienteta’ akllarun. ¿Ima ruwasqaywanmi qawachiyman paykunata Jesus akllarusqanmanta mana iskayrayasqayta hinaspa respetasqayta?