Tukuy sunqumanta Jehova Diosman qusqanchik

¿Imaynatam kunanpas Jehova Diosman sunqumanta kapuqninchikta quchwan? (1Cr 29:5, 9, 14). Qatiqninpim yachasunchik imaynakunata kapuqninchikta Diospa llaqtanman qunamanta, chaynapi enteron pachapi hinalla Diosmanta willakunapaq.

INTERNETNINTAKAMA QULLQI APACHISQANCHIK HINASPA HUÑUNAKUYPI QULLQI CHURASQANCHIKMI KAYKUNAPAQ YANAPAKUN:

• 

  ENTERON PACHAPI DIOSMANTA WILLAKUNAPAQ

  Betel wasikunata hinaspa chayman rikchakuq wasikunata ruwanapaq.

  Diosmanta yachanapaq escuelakuna.

  Tukuy tiemponkuwan Diosta serviqkunapaq.

  Hatun sasachakuypi tarikuqkunata yanapanapaq.

  Videokunata hinaspa qillqakunata ruwanankupaq.

• 

  HUÑUNAKUSQANCHIK WASIPA GASTONKUNAPAQ

  Huñunakusqanchik wasita allichanapaq hinaspa yakumantawan luzmanta paganapaq.

  Punta apaqkunawan iñiqkuna imakunapaqwan qullqita apachinankupaq tantiasqanku:

  • Huñunakuna wasikunata hatunta, taksatapas enteron pachapi ruwanankupaq.

  • Huñunakunanchik wasita imapas pasaruptin yanapakuy hamunanpaq.

  • Tukuy rikchaq yanapakuykunapaq.

KIMSA PUNCHAW HINASPA HUK PUNCHAWLLA HATUN HUÑUNAKUYNINCHIK

Kimsa punchaw hatun huñunakuypi qullqi churasqanchikqa servikun enteron pachapi Diosmanta willakunapaqmi. Chay qullqiwanmi hatun huñunakuykuna hinaspa huk law nacionniyuqkunapaqwan hatun huñunakuy apakun.

Huk punchawlla hatun huñunakuypi qullqi churasqanchikñataqmi servikun localta alquilanapaq, hatun huñunakuna wasikunata allichanapaq hinaspa huk gastochakunapaqpas. Qullqi puchuptinqa, huñunakuymanta cuentallikuqkunam wakinpiqa betel wasiman apachinku.