12 KAQ YACHACHIKUY

Kuyapayakuq kasqanchiktam qawachina

1 Tesalonicenses 2:7, 8

Uyariwaqninchikkunam musyakunanku sunqumanta rimasqanchikta hinaspa llakipayasqanchikta.

Imayna kasqankupim yuyaymanana. Yachachinapaqqa yuyaymananam uyariwaqninchikkunapa sasachakuyninpi hinaspa imayna tarikusqankupi.
Sumaqllatam rimapayana. Uyariwaqninchikkunatam kallpanchana hinaspam sunqunkuta tiyaykachina. Amayá rimasunchu qaqchariq hinaqa. Jehova Diosta mana yupaychaq runakunataqa amayá rimasqanchikwanqa hukmanyachisunchu.
Kuyapayasqanchikqa sutillam kanan. Chaypaqqa kuyakuywanmi sumaqllata rimana. Musyakunam imayna kasqanchikwan ima piensachisqanchikta, allintaqmi kanman asiriyninchikpas.

Imayna rimasqanchikman hinallam rimana. Ima willakuytapas ñawinchaspaqa sumaqllatam rimana, chaynapi uyariwaqninchikkuna ñuqanchikta qawawananchikmantaqa yachachisqanchikpi yuyaymananankupaq. Allintaqmi kanman allillamanta rimayninchik, chaynapi sumaq uyarikunanpaq.