15 KAQ YACHACHIKUY
Mana iskayrayaspam rimana
1 Tesalonicenses 1:5
Imapas yachachisqanchikmantaqa manam iskayrayanachu. Musyakunankum yachachisqanchik ancha allin kasqantapas.
¿IMAYNATAM RUWACHWAN?
Ñawpaqmantaraqmi sumaqta yachana. Yachachinapaq kaqtaqa allintam estudiana, chaynataq bibliawan imayna tupasqantapas. Kallpanchakunam as rimaykunallawan yachachinapaq. Yuyaymananam uyariwaqninchikta imayna yanapananpipas. Diostapas mañakunam yanapawananchikpaq.
Mana iskayrayanapaq palabrakunatam rimana. Qillqasqa kasqanman hinalla rimananchikmantaqa, kikinchikpa rimasqanchikman hinallam rimana. Manataqmi iskayrayanapaq palabrakunataqa rimanachu.
Sunqumantam rimana. Lliw uyarinankupaq hinam rimana. Qawarichwantaqmi uyariwaqninchikkunapa ñawintapas.