11 KAQ YACHACHIKUY

Kusikuywanmi rimana

Romanos 12:11

Kusikuywanmi rimana uyariwaqninchikkunapa sunqunman chayanapaqqa.

Ñawpaqmantaraqmi yuyaymanana. Yachachinapaqqa yuyaymananam uyariwaqninchikta imayna yanapananpi. Allintam estudiana mana iskayrayaspa yachachinapaqqa.
Uyariwaqninchikpim yuyaymanana. Yuyaymananam imapas nisqanchik utaq ñawinchasqanchik hukkunata yanapananpi. Yuyaymananataqmi imaynata ninapaqpas, chaynapi allinta entiendespanku yanapachikunankupaq.
Kusikuywanmi sunqumanta rimana. Sunqumanta rimasqanchikqa sutillam qawakunan uyanchikpi hinaspa makinchikwan rimasqanchikpi.

Hina kaqllata imatapas ruwaspaqa uyariwaqninchikkunatam sasachachwan. Imapas rimasqanchikman hinam makinchiktaqa kuyuchina. Kallpanchana kaptinqa astawanmi kusikuywan rimana. Ichaqa, llumpay kusikuywan rimaptinchikqa uyariwaqninchikkunam amirunmanku.