PIWANPAS RIMAYTA QALLARISPA
4 YACHACHIKUY
Humilde kasun
Bibliapim nin: “Ama hatuntukuspayá qamkunamantapas aswan allinpaqraq wakinkunata qawaychik”, nispa (Filip. 2:3).
¿Imatam Pablo ruwarqa?
1. Qawaykuy VIDEOTA utaq leeykuy Hechos 26:2, 3 nisqanta. Chaymantañataq qatiqnin tapukuykunapi yuyaymanay:
¿Imaynatam Pabloqa mana hatuntukuspan kamachiq Agripata rimapayarqa?
¿Imaynatam Pabloqa Diosta hatuncharqa kikin alabakunanmantaqa? (Leeykuy Hechos 26:22 nisqanta).
¿Imatam Pablopa ruwasqanmanta yachachwan?
2. Runamasinchikta humildadwan hinaspa respetowan rimapayaptinchikqa uyariwasunmi.
Pablota qatipakuy
3. Ama aswan yachayniyuq kasqaykipaqqa hapikuychu. Amayá rimapayasqayki runamanta imatapas aswan yachaq kasqaykitaqa nitaq pay mana yachaq kasqantaqa qawachiychu. Rimapayay siempre respetowan.
4. Yachachisqayki bibliamanta kasqanqa sutillam kanan. Diospa palabranqa runakunapa sunqunmanmi chayanman. Bibliawan yachachispaqa allin iñiyniyuq kanankupaqmi yanapasun.
5. Kuyakuyllawan rimapayay. Yachachisqaykiwan mana acuerdopi kaptinqa ama atipanakuychu. Manam munanchikchu piwanpas discutiytaqa. Humilde kaymi yanapasunki hawkalla kanaykipaq hinaspa imapas kaptinqa pasakunaykipaq (Prov. 17:14; Tito 3:2). Kuyakuyllawan hinaspa sumaqllata rimapayaptikiqa ichapas hukpi tupaptiki uyariykusunkiman.