KAQMANTA KUTISPA
8 YACHACHIKUY
Pacienciakuq kasun
Bibliapim nin: “Kuyakuq runaqa pacienciakuqmi”, nispa (1 Cor. 13:4).
¿Imatam Jesus ruwarqa?
1. Qawaykuy VIDEOTA utaq leeykuy Juan 7:3-5 hinaspa 1 Corintios 15:3, 4, 7 nisqanta. Chaymantañataq qatiqnin tapukuykunapi yuyaymanay:
¿Imaynam Jesuspa wawqinkunaqa qallariypi karqaku?
¿Imaynatam yachanchik Jesusqa wawqin Santiagota hinalla yanapasqanmanta?
¿Imatam Jesusmanta yachachwan?
2. Wakin runamasinchikkunam yachachisqanchikta uyarispanku biblia estudiayta chaylla qallarinku, wakinkum ichaqa allimanta. Chaymi pacienciakuq kananchik.
Jesusta qatipakuy
3. Ama hikutaychu. Chaylla bibliamanta yachayta mana munaptinqa ama obligaychu. Chaywanpas bibliamanta imayna yachachisqanchikmanta videotam utaq yachachikuytam qawachiwaq, niwaqtaqmi bibliata estudiaynin imayna yanapananmantapas.
4. Ama piwanpas tupachiychu. Runakunaqa manam chaynallachu kanchik. Ayllunchik utaq kaqmanta watukusqanchik runa biblia estudiaymanta utaq yachachisqanchikmanta iskayrayaptinqa nikunanchikmi: “¿Imanasqataq mana munanchu? ¿Religionninpi imapas yachachisqankuta saqiyta mana munasqanraykuchu? ¿Familiankunachu utaq vecinonkunachu harkakun biblia estudiananta?”, nispa. Imapas yacharusqanpi piensarinanta suyaykuy, chaynapi bibliamanta yachay imanasqa ancha allin kasqanmanta cuentata qukunanpaq.
5. Diosta mañakuspayki willay estudiachisqayki runamanta. Jehova Diosta mañakuy runamasikita mana hukmanyaspa hinalla yanapanaykipaq hinaspa tantiuwan rimanaykipaq. Mana ancha yachayta munaptinqa Diostataqmi mañakuwaq haykapikamalla watukunaykipaq (1 Cor. 9:26).