Sunquypa imapi yuyaymanasqan

1. Dioslláy ima nillasqaypas,

ima yuyaymanasqaypas,

qampaq hinayá kallachun,

chaskillasqaykiyá kachun.

Llakiña hapiwaptinpas,

sunquyña hukmanyaptinpas,

qamllapim yuyaymanasaq,

allin kaqtam ruwallasaq.

2. Imapas chiqap kaqllapi,

imapas allin kaqllapi,

imapas chuya kaqllapi

piensaspayqa hawkam kani.

Sumaqmi palabraykiqa,

sumaqmi rimasqaykiqa.

Chaypim yuyaymanallasaq,

sapa kutim qawallasaq.