139 KAQ TAKI
Sumaq huertapiñam kawsakusunchik
1. Suma-sumaq huertapiña
kawsakuyqa ñam chayamuchkanña.
Kusikuypi, hawkayaypi
kawsakuyqa ñam kayllapiña.
Tukunqañam, chinkanqañam
mana allin ruwaykunaqa.
Mayna sumaqmá chay punchawqa kanqa.
Chayaramuptinqa
takillasunchikmá:
(CORO)
“Qamraykullamá Jehova Diosnilláy
kay munasqaykiqa ruwakurun.
Sunqullay huntamá kusisqa kachkani,
wiñaypaqñayá qamqa hatunchasqa kay”.
2. Wawqi-paniy, turi-ñañay
sumaq huertapiñamá kachkanchik.
Hawkayaytam, kusikuytam
kunanmantaqa rikusunchik.
Ñam nanaypas, ñam waqaypas,
ñam tukuy chayqa tukurunña.
Wañuqkunapas kawsarimunqañam.
Paykunawanpas
takiykullasunchikmá:
(CORO)
“Qamraykullamá Jehova Diosnilláy
kay munasqaykiqa ruwakurun.
Sunqullay huntamá kusisqa kachkani,
wiñaypaqñayá qamqa hatunchasqa kay”.
(Qawariytaq Sal. 37:10, 11; Is. 65:17; Juan 5:28; 2 Ped. 3:13).