28 YACHACHIKUY
Diostawan Jesusta agradecekusun wañuymanta librawasqanchikrayku
¿Imaynataq tarikunki pipas kuyasuspayki imatapas quykusuptiki? Ancha kusisqachá tarikunki, hinaspachá qampas imallatapas quykuyta munanki. Jehova Dioswan Jesuspas anchata kuyawaspanchikmi huchamantawan wañuymanta libraykuwanchik. ¿Imaynatam chaymanta agradecekuchwan?
1. ¿Imaynatam Jehova Diostawan Jesusta agradecekuchwan?
Bibliapim nin Jesuspi iñiqqa wiñaypaq kawsakunanmanta (Juan 3:16). Jehova Diosqa munanmi agradecekuspa Jesuspi iñinanchikta. Chaypaqqa manam simillanchikwanchu “Jesuspim iñini” ninanchik, aswanqa Jesuspa yachachisqanman hinam kawsakunanchik (Santiago 2:17). Yachachisqanman hina kawsakuspanchikqa Jesuswan hinaspa Jehova Dioswanmi astawan kuyachikusunchik (leey Juan 14:21).
2. Diostawan Jesusta agradecekuspaqa, ¿ima huñunakuypitaq kananchik?
Manaraq wañukuchkaspanmi Jesusqa qatiqninkunata kamachirqa wañukusqanta yuyarinankupaq. Chaypaqmi qatiqninkunaqa sapa wata huñunakuqku (1 Corintios 11:20). Chay huñunakuytam sutichanchik “Jesuspa wañukusqanta yuyarinapaq huñunakuy” nispa. Jesusqa kamachirqam paypi iñiqkunaqa wañukusqanta sapa wata yuyarinanchikpaq. Paymi nirqa: “Hinallayá kayta ruwaychik ñuqata yuyariwaspa”, nispa (Lucas 22:19). Chaymi Jehova Diostawan Jesusta agradecekuspaykiqa chay huñunakuypi kanayki.
ASTAWAN YACHAYKUSUN
¿Imaynatawantaq ñuqanchikrayku Jesuspa wañukusqanmanta agradecekuchwan? Chaymantam kaypi yachaykusunchik. Yachaykusuntaqmi imanasqa Jesuspa wañukusqanta yuyarinapaq huñunakuypi kanamantapas.
3. ¿Imaynatam agradecekuchwan?
Mayu apasuchkaptiki huk runa hurqurusuptikiqa, ¿qunqaruwaqchu yanapasuqnikita? Icha ¿agradecekunaykipaqchu imallatapas quykuwaq?
Jehova Diospas wañuymantam libraykuwarqanchik. Leeychik 1 Juan 4:8-10 hinaspa qatiqninmanta rimariychik:
¿Imaynatam Jesuspa wañukusqanqa yanapawanchik?
Jehova Dioswan Jesusqa kuyawaspanchik huchamantawan wañuymanta librawasqanchikwan, ¿imaynataq tarikunki?
Diostawan Jesustam agradecekunanchik huchamantawan wañuymanta libraykuwasqanchikmanta, ¿imaynata? Leeychik 2 Corintios 5:15; hinaspa 1 Juan 4:11; 5:3. Chaymantañataq qatiqninmanta rimariychik:
Leesqanchik textokunapa nisqanman hina, ¿imaynatam Diostawan Jesusta agradecekunanchik?
4. Jesusta qatipakusun
Jehova Diosta agradecekusqanchikraykum Jesusta qatipakuspa kawsakunanchik. Leeychik 1 Pedro 2:21 hinaspa qatiqninmanta rimariychik:
Qampas, ¿imaynatataq allintapuni Jesusta qatipakuwaq?
Jesusqa Diospa palabrantam leerqa. Hukkunamanmi taytanmanta yachachirqa. Nakariqkunatapas llakipayaspam yanaparqa.
5. Jesuspa wañukusqanta yuyarinapaq huñunakuymanmi rinanchik
Santa cenata utaq wañukusqanta yuyarinapaq huñunakuyta qallariypi qatiqninkunawan Jesus imaynata ruwasqanmanta yachanapaq leeychik Lucas 22:14, 19, 20 hinaspa qatiqninmanta rimariychik:
¿Imaynatam Jesusqa santa cenata ruwarqa qatiqninkunawan?
¿Imawantaq tantaqa tupan? ¿Imawantaq vinoqa tupan? (Kaqmanta leeykuychik 19 hinaspa 20 versiculokunata).
Jesusqa munan wañukusqanta sapa wata yuyarinanchiktam, chaymi Jehova Diospa testigonkunaqa Jesuspa wañukusqan punchawpi sapa wata huñunakuniku paypa kamachisqanman hina. Imayna chay huñunakuy kasqanta yachanaykipaq VIDEOTA qawaykuychik hinaspa qatiqninmanta rimariychik:
¿Imaynataq Jesuspa wañukusqanta yuyarinapaq huñunakuyqa?
Tantaqa Jesuspa mana huchayuq cuerponwanmi tupan, vinoñataqmi yawarninwan.
WAKIN RUNAKUNAM NISUNKIMAN: “Jesuspi creespaqa salvakusunchikñam”, nispanku.
Chaynata nisuptiki, ¿imaynatam Juan 3:16 hinaspa Santiago 2:17 nisqanta leeykapuspayki yachachiwaq imatawanraq ruwanamanta?
YUYARIYKUSUN
Jesus wañukusqanmanta agradecekuspanchikmi paypi iñispa yachachisqanta kasukunanchik, hinaspa wañukusqanta yuyarinapaq huñunakuymanpas rinanchik.
¿Ima niwaqtaq?
Jesuspi iñispaqa ¿imapaqmi kallpanchakunanchik?
Jehova Dioswan Jesusmi huchamanta librawarqanchik ¿imaynatam agradecekuwaq?
¿Imanasqataq Jesuspa wañukusqanta yuyarinapaq huñunakuyman rinanchik?
ASTAWAN YACHANAYKIPAQ
Jesusqa Diosta kasukuspanmi ñuqanchikrayku wañurqa, kay videopi qawaykuy imaynata qatipakunamanta.
Iñiyniyuq utaq Diospi astawan hapipakunaykipaq kay yachachikuyta leey.
“Amayá iskayrayasunchu Jehova Diospa nisqankuna ruwakunanmantaqa” (Willakuq, octubre 2016)
Ñuqanchikrayku Jesuspa wañukusqanmanta yacharuspanmi huk warmicha allinña kawsakunanpaq tantiakururqa. Paymanta kaypi leeykuy.
“Bibliam imayna kawsasqanta cambiarqa” (Willakuq, 1 agosto 2011)
¿Imanasqataq Jesuspa wañukusqanta yuyarinapaq huñunakuypi wakillanku tantata mikunku hinaspa vinotapas tomanku? Chaymanta kaypi leeykuy.