57 YACHACHIKUY
¿Imam kanman hatun huchaman wichiykuptinchik?
Diosta tukuy sunquykiwan kuyaspaykipas wakinpiqa hatun huchamanmi wichiykuwaq (1 Corintios 6:9, 10). Haykapipas chaynapi tarikuspaykiqa yuyariy Jehova Dios pampachasunaykita, manam pantarusqaykiraykuchu payqa saqirusunki.
1. ¿Huchallikuruq imayna kaptintaq Jehova Diosqa pampachaykunqa?
Pipas Diosta kuyachkaspan hatun huchaman wichiykuspanqa llumpay llakisqam tarikun. Ichaqa Diosmi niwanchik: “Pukay-pukayña huchaykichik kaptinpas, ritita hinam yuraqyachisaq”, nispa (Isaias 1:18). Arí, sunqumanta wanakuptinchikqa Diosqa pampachaykuwanchikmi. Ichaqa, ¿imaynatam sunqumanta wanakunanchik? Chaypaqqa mana allin ruwasqanchikmantam pesakunanchik hinaspam mana allin ruwasqanchiktaqa manaña ruwananchikchu. Chaymantapas, Diosninchiktam mañakunanchik pampachaykuwananchikpaq. Kallpanchakunanchiktaqmi mana allinkunapi manaña piensanapaqpas, huchaman aysawaqninchik kaqkunata saqinapaqpas chaynataq Diospa munasqanman hinaña kawsakunapaqpas (leey Isaias 55:6, 7).
2. ¿Imaynatam Diosqa huchallikuqta punta apaqkunawan yanapan?
Hatun huchaman wichiykuqkunatam Dios nin: “Iñiqkuna ukupi punta apaqkunatayá qayakuchun”, nispa (leey Santiago 5:14, 15). Iñiqkunapi punta apaqkunaqa Jehova Diosta hinaspa iñiqmasinchikkunatam kuyanku. Paykunaqa allin yachachisqam kachkanku huchallikuq runata yanapaykunankupaq, chaynapi Diosman kutirikunanpaq (Galatas 6:1).
Pipas hatun huchaman wichiykuptinqa iñiqkunapi punta apaqkunam iskay utaq kimsa huñunakunku hinaspam bibliawan rimapayanku mana allin ruwasqanmanta cuentata qukunanpaq. Ninkutaqmi huchallikuyman manaña wichiykunanpaq imata ruwananpaqpas. Huchallikuq yanapasqa kachkaspa mana wanakuspanmi ichaqa congregacionmanta qarqusqa kanqa. Chaynataqa tantianku wakin iñiqmasinku allin kanankupaqmi.
ASTAWAN YACHAYKUSUN
Jehova Diosqa anchata kuyawasqanchikraykum tukuyta ruwaspa yanapawanchik hatun huchamanña wichiykuptinchikpas.
3. Huchanchikta willakuyqa allinninchikpaqmi
Huchaman wichiykuspaqa Diostam llakichinchik, chaymi huchanchikmanta willakunanchik. Leeychik Salmos 32:1-5 hinaspa rimariychik:
¿Imanasqataq huchallikuruspaqa mana pakaspa lliwta Diosman willakunanchik?
Huchallikurusqanchikmanta Diosman willakuspanchikpas sunqunchik tiyaykunanpaqmi punta apaqkunapa yanapakuyninta maskananchik. VIDEOTA qawaykuychik hinaspa rimariychik:
Videopi qawasqanchik iñiqmasinchik Diosman kutirikunanpaq, ¿imaynatam punta apaqkuna yanaparqa?
Imam kaqtam punta apaqkunaman willakunanchik. Punta apaqkunaqa yanapaykuytam munawanchik. Leeychik Santiago 5:16 hinaspa qatiqninmanta rimariychik:
¿Imanasqataq punta apaqkunamanqa imam kaqta willakunanchik?
Huchaman wichiykuspaqa Diosmanmi willakunayki, punta apaqkunamanpas imam kaqtam willakunayki, hinaspapas nisusqaykitam kasukunayki.
4. Jehova Diosqa huchallikuqkunataqa llakipayanmi
Pipas hatun huchaman wichiykuspan qalaypaq mana wanakuspanqa congregacionmantam qarqusqa kanan. Qarqusqa kasqanraykum paywanqa manaña ñawpaqta hinaqa hukllawakuchwanchu. Leeychik 1 Corintios 5:6, 11, hinaspa qatiqninmanta rimariychik:
Aslla levadurawanmi masapas puqun. Chayrayku, ¿allinchu kanman huchanmanta mana wanakuqwan ñawpaqta hina hukllawakuyninchik? ¿Imaynanpi?
Punta apaqkunaqa Jehova Diospa llakipayakuq kasqanta qatipakuspam congregacionmanta qarqusqa kaqkunata yanapanku. Qarqusqa kasqankum achkata yanaparqa mana allin ruwasqankumanta cuentata qukunankupaq hinaspa Jehova Diosman kaqmanta kutimunankupaq (Salmos 141:5).
• ¿Imaynatam yachanchik qarqusqa kaqkunata llakipayasqanta hinaspa kuyapayasqanta?
5. Huchanchikmanta wanakuptinchikqa Diosqa pampachaykuwanchikmi
Jesusmi rikchanachiywan willakurqa pipas huchanmanta wanakuptin Jehova Dios kusikusqanmanta. Leeychik Lucas 15:1-7 hinaspa qatiqninmanta rimariychik:
Kay willakuywanqa, ¿Jehova Dios imayna kasqantam Jesusqa yachachiyta munarqa?
Leeychik Ezequiel 33:11 hinaspa qatiqninmanta rimariychik:
Pipas Diospa pampachasqan kayta munaqqa, ¿imatam saqinan?
Jehova Diosqa oveja michiq hinam, llapanchikmantam llakikun.
WAKINKUM NINKU: “Manchakunim punta apaqkunaman huchayta willakuytaqa, huchallikurusqayta yacharuspankuqa qarquruwanqachá”, nispa.
Chaynata nisuptiki, ¿ima niwaqtaq?
YUYARIYKUSUN
Hatun huchaman wichiykuptinchikpas sunqumanta wanakuspa chay mana allinkunata manaña ruwaptinchikqa Jehova Diosqa pampachaykuwasunmi.
¿Ima niwaqtaq?
¿Imanasqataq allin Jehova Diosman huchanchikta willakuyqa?
¿Imatam ruwananchik huchanchikta Jehova Dios pampachawananchikpaq?
¿Imanasqataq punta apaqkunaman willakunanchik hatun huchaman wichiykuspaqa?
ASTAWAN YACHANAYKIPAQ
Isaias 1:18 nisqanpim nin Jehova Diosqa pampachakuykuq kasqanta, chaytam huk runa yacharurqa. Paymanta videopi qawaykuy.
Amayá iskayrayasunchu Jehova Dios kuyakuqllaña kasqanmantaqa (5:02)
¿Imaynatam punta apaqkunaqa yanapanku hatun huchata ruwaruqkunata? Chaymanta kaypi leeykuy.
“Hatun hucha ruwaqwan kuyakuq hinaspa llakipayakuq kanamanta” (Willakuq, agosto 2024)
Huchankumanta mana wanakuqkunawanqa, ¿imaynam kananchik? Chaymanta kaypi leeykuy.
“Qarqusqa kaqta imayna yanapanamanta” (Willakuq, agosto 2024)
¿Imaynatam huk runa yacharurqa payman kutirikunanpaq Dios yanapasqanta? Paymanta kaypi leeykuy.
“Bibliam imayna kawsasqanta cambiarqa” (Tarinkim jw.org nisqanpi)