¿Religionkuna imayna kasqanpim reparananchik?

Piensariy imamantapas operachikunaykipaq kasqanpi. Chaypaqqa allin yachayniyoq confiasqayki doctortachá maskanki, chaynataqa tanteanki sanoyanaykiraykum. Chaymantapas yachaytachá munanki qam hina tarikuqkunata operaspan sanoyachisqanmanta.

Chaynallataqmi religionpi kaypas, cheqap religionpi kanapaqqa allintam yachana. Cheqap iñiyniyoq kayta chaynataq salvakuyta munaspaqa Diospa agradonpaq kaq religiontam akllanayki.

Chaymanta allinta entiendenapaqmi Señor Jesucristo rikchanachirqa ‘sachapa rurunwan’ (Lucas 6:44). Huk religion imayna ‘ruruyoq’ otaq imayna kasqanpi reparay, hinaspa tapukuy: ¿Humalliqninkunaqa otaq pastorkunaqa qollqe qonamantachu astawan rimanku? ¿Diospa nisqanman hinachu chuyata kawsanku? ¿Runamasin kuyasqantachu qawachin guerrakunapi chaqrukuspan?, nispa. Chayman hina piensariy, ¿kanmanchu Diospa agradonpaq kaq cheqap religion? Chaymantayá yachasun.