¿Imatam biblia nin?

¿Lliw runapa mañakusqantachu Diosqa uyarin?

¿IMA NIWAQTAQ?

• Arí

• Wakillanpatam

• Manam pipatapas

¿IMATAM BIBLIA NIN?

‘Allin ruwaq runakunapa mañakusqantam [...] tayta Diosqa uyarin’ (Proverbios 15:29).

¿IMATAWANMI BIBLIAQA NIN?

• Diosqa manam uyarinchu mana kasukuqninkunataqa (Isaias 1:15). Ichaqa uyarinmi chay runakuna Diosta kasukuyta qallaykuptinkuqa (Isaias 1:18).

• Dios uyariwananchikpaqqa munasqanman hinam mañakunanchik, chaypaqmi bibliata ñawinchananchik (1 Juan 5:14).

¿Qunquranpachu, sayanpachu icha imaynanpam Diosta mañakunanchik?

WAKIN RUNAKUNAM NINKU qunqurakuykuspa, kumuykuspa utaq pitukuykuspa Diosta mañakunamanta. Qamqa, ¿ima niwaqtaq?

¿IMATAM BIBLIA NIN?

Diosqa uyarirqam sayanpalla, tiyaykuspa utaq qunqurakuykuspa mañakuqnin runakunata (1 Cronicas 17:16; 2 Cronicas 30:27; Esdras 10:1; Hechos 9:40). Chaymi Diosqa uyariwanchik imaynanpa mañakuptinchikpas.

¿IMATAWANMI BIBLIAQA NIN?

• Diosqa mana hatun tukuqkunatam uyarin (Salmo 138:6).

• Ima rimaypipas Diostaqa mañakuchwanmi. Upallallapas Diostaqa mañakuchwanmi (2 Cronicas 6:32, 33; Nehemias 2:1-6).