¿Kanmanchu sapakamata waqaychawaqninchik angel?

Jesusmi nirqa: “Amam despreciankichikchu kay uchuychakunamanta huknintaqa [Jesuspa qatiqninkuna], nikichikmi: Paykunapa angelninkum hanaq pacha taytaypa qayllanpi tukuy tiempo kachkanku”, nispa (Mateo 18:10). Chaymi wakin runakunaqa ninku sapa runapa waqaychaqninku angel kasqanmanta, ichaqa Jesusqa nichkarqa Diosta serviq runakunata angelkuna qawamusqantam. Chaymi bibliaqa mana ninchu sapakamata waqaychawaqninchik angel kasqanmantaqa. Chayraykum Diosta sunqumanta serviqkunaqa, ima peligromanpas mana yaykunkuchu ‘Diosmi angelninwan salvawanqa’ nispaqa.

¿Chaywanqa nichkanchikchu runakunata angelkuna mana yanapasqanmanta? Manam (Salmo 91:11). Wakin runakunaqa qallariyninpi rimamusqanchik Keneth hinam piensanku angelkuna yanapasqankumanta. Mana chayna kaptinpas, Jehova Diospa testigonkunaqa musyanikum achka kutipi angelkuna Diosmanta willakunaykupaq yanapawasqankumanta. Ichaqa manam imakunapi runakunata yanapananpaq angelninkunata Dios valekusqantaqa yachanikuchu. Chaywanpas, imapipas Dios yanapawasqanchikmanta musyaspaqa Diostam agradecekuna (Colosenses 3:15; Santiago 1:17, 18).