Allinña kawsakuytam llapallanchik munanchik
Antonio Guterresmi nirqa: “Kay allpa pachapiqa tukuy imam mana allinllaña”, nispan. Payqa Organizacion de la Naciones Unidas nisqankupi secretariom.
Noticiakunapas mana allinkunallamantañam:
Mana riqsisqa unquykunallamantañam
Llumpay parakunamantawan lluqllakunallamantañam
Muchuymantawan yarqaykunallamantañam
Kay allpa pachata qachachasqallankumantañam
Maqanakuymantawan suwakuyllamantañam
Guerrakunallamantañam
Allinña kawsakuytam munanchik:
Manaña unquspa
Wayra-parata manaña manchakuspa
Manaña mikuymanta ususpa
Suma-sumaq allpa pachapiña
Allin gobiernoyuqña
Hawkayaypiña
¿Imamantataq rimachkanchik allin kawsakuymanta rimaspaqa?
¿Imataq kay allpa pachawan pasanqa?
¿Imatataq ruwachwan hamuq punchawkunapi allinña kawsakunapaq?
Kay qillqata ñawinchaspanchikmi tukuy kaykunamanta bibliawan yachasunchik, chayqa sunqunchiktam tiyaykachinqa.