Allintam tantiakunayki allin kawsakuyta munaspaqa

Ñawpaqtam kikin Jehova Dios nirqa runankuna kusisqa kawsakuyta munaspankuqa imata ruwanankumanta. Paymi nirqa: ‘Kawsayta utaq wañuyta utaq bendecisqa kayta utaq ñakasqa kayta akllakuychik. [...] Chaynaqa qamkunapas hinaspa miraynikichikkunapas kawsakunaykichikpaqyá akllakuychik’, nispa (Deuteronomio 30:19).

Chay runakunaqa allin kawsakuyta munaspankuqa allintam tantiakunanku karqa, ñuqanchikpas allintam tantiakunanchik kanqa. Bibliapim kaynata niwanchik allinta kawsakunapaq. Ninmi: “Yupaychasqanchik tayta Diosta kuyaspayá kasukuychik”, nispa (Deuteronomio 30:20).

TAYTA DIOSTA KUYASPAYÁ KASUKUSUNCHIK

BIBLIAMANTAYÁ YACHAY. Jehova Diosta kuyanaykipaqqa puntataraqmi yachanayki bibliapi paymanta ima nisqanta. Chaynatam yachanki payqa kuyakuqllaña kasqanta, allinnikipaq munasqanta, mañakunaykita munasqanta. Payqariki yanapaykuytam munasunki (1 Pedro 5:7). Pay imayna kasqanta yachanaykipaq kallpanchakuptikiqa paypas asuykamusunkim (Santiago 4:8).

YACHASQAYKIMAN HINAYÁ KAWSAKUY. Diosta kasukunaykipaqqa bibliapi yachasqaykiman hinam kawsakunayki. Chayta ruwaptikiqa “tukuy ruwasqaykipas allinmi kanqa” (Josuey 1:8).