15 Chaymantapas Nebajpa churin Jeroboanpa ruwasqan altartawan yupaychana cheqastawanmi Betel llaqtapi thunipurqan, chaykunawanmi Jeroboanqa Israel runakunata juchallichirqan.+ Altartawan yupaychana cheqastawan thunispataq Josiasqa yupaychana cheqasta ruphachirqan, jinaspa lliuta ñut’urqan, yupaychana sayashaq k’ullutapas kanaykapurqanmi.+

16 Chaymantataq juj ladoman qhawarispa Josiasqa sepulturakunata orqopi rikurqan, jinan chay sepulturakunamanta tullukunata orqochimuspa altar patapi kanaykurqan. Chhaynapin chay altarta mana valeqman tukuchipurqan. Chaykunan junt’akurqan imakunachus pasananta Jehová Dios profetanwan willachisqanman jina.+

33 Josiasqa Diospa cheqnisqan idolokunatan llapa Israelmanta chinkachirqan,+ llapa Israel runakunatataq kallpacharqan Jehová Diosllata servinankupaq. Josiaspa kausasqan p’unchaykunapiqa ñaupa taytankuq Diosnin Jehová Diosllatan Israel runakunaqa servirqanku.