• 1 Reyes 8:66
    Mosoq Pacha Biblia

    • 66 Fiesta tukuy qhepa p’unchaytataq* Salomonqa llapa runakunata wasinkuman kachapurqan. Jinan chay runakunaqa Salomonta bendecispa ancha kusisqa wasinkuman kutipurqanku. Paykunaqa kusisqa sonqoyoqmi kasharqanku Davidmanpas Israel runakunamanpas Jehová Dios sumaq sonqo kayninta rikuchisqanmanta.+

  • Salmos 31:19
    Mosoq Pacha Biblia

    • 19 ¡May jatunmi sumaq sonqo kasqaykiqa!+

      Qanta manchakuqkunapaqmi chayta waqaycharqanki,+

      qanpi pakakuq runamanmi chayta rikuchirqanki,

      llapa runakunaq ñaupanpin rikuchirqanki.+

  • Isaías 63:7
    Mosoq Pacha Biblia

    •  7 Jehová Diospa mana tukukuq munakuy* rikuchisqanmantan rimasaq,

      Jehová Diospa jatunchanapaq jina ruwasqankunamantan rimasaq,

      Jehová Diospa noqanchisrayku llapa imachus ruwasqanmantan rimasaq;+

      payqa imaymanakunatan Israelpa wasinpi runakunarayku ruwarqan,

      khuyapayakuq kayninman jina, mana tukukuq jatun munakuyninman jinan imaymanata ruwarqan.

  • Jeremías 31:12
    Mosoq Pacha Biblia

    • 12 Sion orqo pataman jamuspan kusisqa qaparinqaku,+

      Jehová Dios imaymana allinkunata qosqanraykun uyankuraq k’ancharinqa,

      trigota, mosoq vinota,+ aceiteta chaskisqankumanta,

      uña ovejata, uña wakata chaskisqankumantan kusikunqaku.+

      Allin qarpasqa huerta jinan paykunaqa kanqaku,+

      manan jayk’aqpas pisi kallpayanqakuñachu”,+ nispa.