• Jeremías 47:4
    Mosoq Pacha Biblia

    •  4 Chay jamushaq p’unchayqa llapa Filistea runakunatan ch’usaqyachinqa,+

      Tiromantan+ Sidonmantan+ puchuq llapa yanapaqkunata chinkachinqa.

      Noqa Jehová Diosmi Filistea runakunata ch’usaqyachisaq,

      paykunan Caftor islamanta* puchuqkuna kanku.+

  • Ezequiel 26:3
    Mosoq Pacha Biblia

    • 3 Payta niy, tukuy munayniyoq Señor Jehová Diosmi nin: Yau Tiro, kaypin qan contra kashani, askha nacionkunan qan contra jatarimunqa, lamar-qocha jinaraqmi jatarimunqaku.

  • Joel 3:4
    Mosoq Pacha Biblia

    •  4 Tiro llaqta, Sidón llaqta, Filistea llaqtakuna,

      ¿imatataq qankunari noqamanta munankichis?

      ¿Imamantan vengakuyta munashawankichis?

      Vengakushawankichis chayqa,

      usqhayllan imachus ruwasqaykichista qankunallamantaq chayachimusaykichis.+

  • Amós 1:9, 10
    Mosoq Pacha Biblia

    •  9 Jehová Diosmi nillantaq:

      Tiro llaqtaq kinsa juchanmanta,+ tawa juchanmantan imachus piensasqayta mana cambiasaqchu.

      Paykunaqa askha runakunatan presota apaspa Edomman entregarqanku,

      wayqentin jina kanankupaq rimanakusqankutapas manan yuyarqankuchu.+

      10 Chayraykun Tiro llaqtaq muyuriq perqanta kanaykusaq,

      allin perqasqa torrenkunatan ruphaykachisaq,+ nispa.

  • Zacarías 9:3, 4
    Mosoq Pacha Biblia

    •  3 Tiro llaqtaqa pakakunanpaqmi perqakunata ruwakurqan.

      Jallp’ata jinaraqmi qolqeta juñurqan,

      callepi t’uruta jinaraqmi qoritapas juñurqan.+

       4 Jehová Diosmi ichaqa llapa kaqninkunata qechupunqa,

      lamar-qochapin soldadonkunata chinkachinqa,+

      ninaq ruphasqanmi kapunqa.+