• Jeremías 49:1, 2
    Mosoq Pacha Biblia

    • 49 Anmón runakunatan+ Jehová Dios khaynata nin:

      “¿Mana wawakunayoqchu Israel karqan?

      ¿Manachu herencia chaskiqnin karqan?

      ¿Imaraykun Malcan*+ munaychakun Gad jallp’ata?+

      ¿Imaraykun runankuna Israelpa llaqtankunapi tiyan?”, nispa.

       2 “Jehová Diosmi khaynata nin:

      Guerrapaq qapariyta uyarichinay p’unchaymi chayamushanña,

      Anmón runakunaq+ Rabá llaqtan+ contran guerra kanqa.

      Rumi montonmanmi tukupunqa,

      qayllanpi llaqtakunatan kanaykunqaku.

      Ch’utiqninkunatan Israelqa ch’utinqa,+ ninmi Jehová Dios.