21 Chaymantapachan Jesusqa discipulonkunaman willayta qallarirqan Jerusalén llaqtaman rinanmanta, jinaspa umalliq runakuna,* umalli sacerdotekuna, kamachikuy simita yachachiqkuna ima ñak’arichispa wañuchinankumanta, kinsa p’unchaymanta kausarichisqa kananmantawan.+

22 Jesusqa nillarqantaqmi: “Runaq Churinqa imaymanawanmi ñak’arinan, chaymantapas umalliq runakunaq,* umalli sacerdotekunaq, kamachikuy simita yachachiqkunaq pisichasqanmi kanan, chaymantataq wañuchisqa kanan,+ kinsa p’unchaymantataq kausarichisqa kanan”,+ nispa.