• Isaías 55:10, 11
    Mosoq Pacha Biblia

    • 10 Imaynan parapas rit’ipas cielomanta chayamuspa jallp’ata allinta apichan allinta joq’on,

      manataq kutinchu pampapi imaymana kaqkunata wiñachimunankama,

      chajra llank’aqpaq mijuyta wiñachinankama, mijuqpaqpas mijuyta qonankama,

      11 chhaynallataqmi kanqa simiymanta lloqsimuq rimasqaywanpas.+

      Manan jinallaqa kutimunqachu,+

      tukuy ima munasqaytan ruwanqa,+

      imapaqchus kachamurqani chaytan llapanta junt’anqa.

  • Juan 8:26
    Mosoq Pacha Biblia

    • 26 Imaymanakunatan qankunamanqa ninay kashan, imaymanakunatataqmi juzganaypas kashan. Kachamuwaqniyqa cheqaq rimaqpunin, imakunatachus paymanta uyarisqaytataqmi kay pachapiqa rimashani”,+ nispa.

  • 2 Timoteo 2:13
    Mosoq Pacha Biblia

    • 13 manaña paypa nisqanta junt’asunmanchu chaypas, payqa junt’anqapunin imachus rimasqantaqa; payqa manapunin imatapas pay kikinpa contranpiqa ruwanmanchu.