Marcos

15 Pacha illarimuqtin jinataq Jatun Juntapi* llapa kaqkuna: umalliq runakuna,* umalli sacerdotekuna, kamachikuy simita yachachiqkuna ima juñunakuspa rimanakurqanku; jinaspa Jesusta watasqata apaspa Pilatoman entregarqanku.+ 2 Jinan Pilatoqa payta tapurqan: “¿Qanchu kanki judío runakunaq reynin?”,+ nispa. Jesustaq nirqan: “Arí, qan kikiykin chaytaqa ninkiña”,+ nispa. 3 Umalli sacerdotekunataq imaymanamanta Jesusta juchacharqanku. 4 Chaymi Pilatoqa wajmanta tapurqan: “¿Manachu imaninkipas?+ Qhawariy, imaymanamantan tumpashasunkiku”,+ nispa. 5 Jesusmi ichaqa manaña imanispapas nirqanchu, chaymi Pilatoqa sinchita admirakurqan.+

6 Pilatoqa sapa Pascua Fiestapin juj presota kachariq, mayqentachus runakuna mañakuqku chayta.+ 7 Chay tiempopaqmi Barrabás sutiyoq runa preso kasharqan gobierno contra jatariqkunawan kuska, paykunan chay jatariypi runata wañuchisqaku. 8 Jinan runakunaqa jamuspa Pilatomanta mañakurqanku imatachus paykunapaq ruwallaqpuni chayta ruwananpaq. 9 Pilatotaq paykunata nirqan: “¿Munawaqchischu judío runakunaq reynin kacharipunayta?”,+ nispa. 10 Chaytaqa nirqan umalli sacerdotekuna envidiakuspa Jesusta payman entregasqankuta reparaspan.+ 11 Umalli sacerdotekunataq ichaqa runakunata kallpacharqanku Barrabasta kacharinanta mañakunankupaq.+ 12 Jinan Pilatoqa paykunata wajmanta nillarqantaq: “Chhaynaqa, ¿imatataq ruwasaq judío runakunaq reynin nisqaykichis runawanri?”,+ nispa. 13 Paykunataq wajmanta qaparirqanku: “¡Paytaqa k’aspipi warkuy!”,+ nispa. 14 Pilatotaq paykunata nirqan: “¿Imarayku? ¿Ima mana allintataq ruwarqanri?”, nispa. Runakunan ichaqa astawanraq qaparirqanku: “¡Paytaqa k’aspipi warkuy!”,+ nispanku. 15 Jinan Pilatoqa runakunata kusichiyta munaspa Barrabasta kacharipurqan, Jesustataq jasut’ichispa+ soldadokunaman entregarqan k’aspipi wañuchinankupaq.+

16 Soldadokunataq kamachikuqpa wasin patioman apaykuspa llapa soldadokunata wajamurqanku;+ 17 jinaspan azulniraq puka mantawan Jesusta p’istuykurqanku, kiskamanta coronata simp’aspataq chaywan churarqanku. 18 Jinaspa alto kunkawan: “¡Kausachun judío runakunaq reynin!”,+ nispa niyta qallarirqanku. 19 Chaymantapas carrizowanmi* umapikama p’anarqanku, thoqaykurqanku iman, ñaupanpi qonqoriykuspataq payman k’umuykuq tukurqanku. 20 Chhaynata asipayasqanku qhepamantaq azulniraq puka mantata ch’utirqanku, jawa p’achanwan churaspataq jawaman aparqanku k’aspiman clavanankupaq.+ 21 Chaynintan campomanta jamushasqa Cirene llaqtayoq Simón, payqa Alejandroq, Rufoq taytanmi karqan, paytan kamachirqanku* Jesuspa ñak’arinan k’aspita* apananpaq.+

22 Jinan Jesustaqa aparqanku Gólgota nisqaman, chayqa “calavera pata” ninantan nin.+ 23 Chaypin vinota jaywarqanku mirra drogawan tupachisqata,+ Jesusmi ichaqa mana chaskikurqanchu. 24 Chaymantataq k’aspiman clavarqanku, jinaspan jawa p’achanta rakinakunankupaq sortearqanku imantachus sapanka apakunankupaq.+ 25 K’aspiman clavashaqtinkuqa las nueve* jinan kasharqan. 26 Imamantachus juchachasqankutaq khayna qelqasqa kasharqan: “Kayqa judío runakunaq reyninmi”,+ nisqa. 27 Chaymantapas iskay suwakunatan k’aspipi warkullarqankutaq, jujta Jesuspa paña ladonpi jujtataq lloq’e ladonpi.+ 28 *—— 29 Wakin chayninta pasaq runakunan umankuta maywispa Jesusta k’amirqanku:+ “¡Yau runa, templota thunispa kinsa p’unchaypi sayarichiyta munaq!+ 30 Salvakuyyá chay ñak’arina k’aspimanta uraykamuspa”, nispa. 31 Umalli sacerdotekunapas kamachikuy simita yachachiqkunapas payta asipayaspan ninakurqanku: “¡Jujkunatan salvan, pay kikintataq mana salvakuyta atinchu!+ 32 Israelpa reynin Cristo kaspaqa uraykamuchunyá chay ñak’arina k’aspimanta, chayta rikuspa paypi creenanchispaq”,+ nispa. Paypa ladonpi warkusqa kaqkunapas k’amillarqankutaqmi.+

33 Las doceta jinataq* lliu chay lado tutayarqan las tres jina tardekama.*+ 34 Las tresta jinan Jesusqa fuerteta wajakurqan: “Eli, Eli, ¿lama sabajtani?”, nispa; chayqa “Diosníy, Diosníy, ¿imaraykun saqerpariwanki?” ninantan nin.+ 35 Chay qayllapi wakin sayashaqkunataq chayta uyarispa nirqanku: “¡Uyariychis! Eliastan wajashan”, nispa. 36 Jinan paykunamanta jujninku phawarispa juj esponjata p’osqo vinoman challpurqan, carrizoman churaykuspataq chayta ch’onqananpaq jaywarqan,+ nirqantaq: “¡Jinalla kachun! Qhawallasunchis, jamunqapaschá Elías k’aspimanta payta uraykachiq”, nispa. 37 Jesustaq fuerteta qaparirqan, jinaspa wañupurqan.+ 38 Jinan templo ukhupi cortina iskayman llik’ikurqan+ wichaymanta urayman.+ 39 Jesuspa qayllanpi sayashaq ejercitopi capitantaq* imaynapichus wañupusqanta rikuspa nirqan: “Cheqaqtapunimá kay runaqa Diospa Churin kasqa”,+ nispa.

40 Chaypin kashallarqantaq warmikunapas karullamanta qhawaspanku, paykunamanta wakinmi karqan: María Magdalena, sullk’a* kaq Santiagoq Josespa mamanku María, Salomepiwan;+ 41 paykunan Galileapi kashaqtin Jesusta puriysiqku serviqku ima;+ chaypin kashallarqankutaq Jesuswan kuska Jerusalenman jamuq askha warmikunapas.

42 Tardeñan karqan, samana p’unchaypaq alistakuna p’unchaytaq karqanpas, 43 chaymi Arimatea llaqtayoq José sutiyoq runaqa kallpata jap’ispa Pilatoq ñaupanman jaykurqan, jinaspa Jesuspa cuerponta mañakurqan.+ Joseqa Jatun Juntamanta* jujninmi karqan, allin respetasqataq karqanpas; payqa Diospa gobiernontan suyakusharqan. 44 Jinan Pilatoqa Jesús wañurqanñachus icha manaraqchus chayta yachayta munaspa ejercitopi capitanta wajachimurqan, jinaspa chayta tapurqan. 45 Wañusqaña kasqanta yachaspataq Pilatoqa Jesuspa cuerponta Joseman entregachirqan. 46 Jinan Joseqa sumaq lino telata rantirqan, Jesuspa cuerponta uraykachispataq chaywan k’uyurqan, jinaspa qaqapi t’oqosqa sepulturaman churarqan,+ sepulturaq punkunta wisq’ananpaqtaq rumita chayman tanqaykurqan.+ 47 María Magdalenawan Josespa maman Mariapiwantaq maypichus churasqa kasqanta qhawasharqanku.+