Mateo

3 Chay p’unchaykunapin bautizaq Juanqa+ Judea ch’inneqman jamuspa runakunaman willarqan:+ 2 “Janaq pacha gobiernon qayllaykamunña, chayrayku juchaykichismanta pesapakuspa Diosman kutirikuychis”,+ nispa. 3 Paymantan profeta Isaías nirqan:+ “Ch’in ladomantan juj kunka wajakamushan: ¡Jehová* Diospa ñanninta allichaychis! Paypa ñanninta limpiaychis,+ nispa”. 4 Juanqa camelloq willmanmanta ruwasqa p’achawanmi p’achakuq, qara chumpiwantaq chumpikuq;+ langostakunata* wanqoyroq misk’inta imataq mijuq.+ 5 Jerusalenmanta, llapan Judeamanta, Jordán mayuq llapan muyuriqninmanta iman runakunaqa payman jamuqku,+ 6 jinaspa Jordán mayupi bautizachikuqku,*+ juchankutapas sut’itan willakuqku.

7 Fariseokunata* saduceokunatawan*+ bautizasqanman jamushaqta rikuspan Juanqa paykunata nirqan: “Yau mach’aqway miraykuna,+ ¿pin nirqasunkichis: Atiwaqchismi Diospa phiñakuynin p’unchaymanta ayqeyta, nispa?+ 8 Juchaykichismanta pesapakuychis, jinaspa allin kaqkunata ruwaychis. 9 Chaytaq sonqoykichispi nishawaqchis: Taytaykuqa Abrahanmi,+ nispa. Niykichismi: Diosqa atiyniyoqmi kay rumikunamantapas Abrahanpaq wawakunata jatarichinanpaq. 10 Hachaqa listoñan kashan sach’akunata saphinmantapacha wit’unapaq. Allin ruruta mana ruruq sach’aqa wit’usqan kanqa, jinaspa ninaman wijch’uykusqa kanqa.+ 11 Noqaqa unuwanmi bautizaykichis juchaykichismanta pesapakusqaykichisrayku,+ qhepayta jamuqmi ichaqa noqamanta aswan atiyniyoq, manataqmi noqaqa usut’allantapas ch’utinaypaq jinachu kani.+ Paymi bautizasunkichis santo espirituwan*+ ninawan ima.+ 12 Wayrachinanqa makinpin kashan, eranta allintapuni limpiaspan payqa trigonta taqena wasiman* oqarinqa, q’opatataq mana jayk’aq wañuq ninapi kanapunqa”,+ nispa.

13 Chaymantataq Jesusqa Galileamanta Jordán mayuman jamurqan Juanwan bautizachikunanpaq.+ 14 Juantaq ichaqa payta jark’ayta munaspa nirqan: “¿Noqata bautizawanayki kashaqtinchu noqaman jamushawanki?”, nispa. 15 Jinan Jesusqa nirqan: “Ama jark’awaychu, jinatapunin ruwananchis tukuy chanin kaqta junt’anapaqqa”, nispa. Chaymi Juanqa manaña jark’arqanchu. 16 Jesús bautizakushaspa unumanta lloqsimuqtin jinataq cielo kicharikamurqan,+ jinan payqa* Diospa espiritunta rikurqan paloma jina Jesús pataman uraykamushaqta.+ 17 Chaymantataq cielomanta juj kunka nimurqan:+ “Kaymi munakusqay Churiyqa,+ payqa sonqoypaq jinan”,+ nispa.