Salmos
Davidpa takin.
2 Ch’uya temploykimanmi k’umuykamusaq,+
mana tukukuq munakuyniyoq kasqaykiraykun sutiykita jatunchasaq,
junt’aq kasqaykiraykun sutiykita alabasaq.+
Rimasqaykikunatawan sutiykitawanmi jatuncharqanki,
tukuy imamantapas astawanraqmi jatuncharqanki.
3 Wajakamusqay p’unchaymi qanqa uyariwarqanki,+
mana manchakuq kallpasapa runamanmi tukuchiwarqanki.+
4 Jehová Diosníy,+ kay pachapi llapa reykunan jatunchasunki,
simiykiq rimasqan promesakunata uyarispan jatunchasunkiku.
5 Jehová Diospa imakunachus ruwasqanmantan takinqaku;
Jehová Diospa qhapaq atiyninqa may jatunpunin.+
6 May jatunña Jehová Dios chaypas,
payqa k’umuykukuq runatan sumaqta qhawarin,+
jatunchakuq runatan ichaqa karullamanta qhawan.+
7 Manchakuy ñannintaña purishani chaypas,+
qanmi kausachishallawanki.
Cheqniwaqniy runakuna contran makiykita jaywarimunki;
paña makiykin noqataqa librawanqa.
8 Jehová Diosqa llapa imachus munasqantan noqapaq ruwapuwanqa.
Diosníy Jehová, mana tukukuq munakuyniykiqa wiñay-wiñaypaqmi.+
Amayá qonqaychu makiykiq ruwasqankunataqa.+