Salmos
Zéra familiamanta jamuq Etanpa maskilnin.*+
89 Mana tukukuq munakuyninta Jehová Dios rikuchisqanmantan wiñaypaq takisaq.
Qhepa wiñaykunamanmi junt’aq sonqo kasqaykita willasaq.
2 Noqan nirqani: “Mana tukukuq munakuyqa wiñaypaqmi kanqa,+
janaq pachapin qanqa junt’aq sonqo kayniykita qaqata sayachirqanki”, nispa.
3 Diostaq nirqan: “Ajllakusqay runawanmi juj rimanakuyta ruwarqani,+
kamachiy Davidmanmi juj juramentota ruwarqani,+ paytan nirqani:
4 Mirayniykitan qaqata sayachisaq,+ wiñaypaqmi kanqa,
kamachikuyniykitapas,* gobiernoykitapas wiñaypaqmi tajyachisaq,+ nispa”. (Séla).
5 Jehová Diosníy, admiranapaq ruwasqaykikunatan janaq pacha jatunchan.
Ch’uya sonqokunaq kasqanpin* junt’aq kasqayki jatunchasqa kanqa.
6 ¿Janaq pachapi mayqen kaqmi Jehová Dios jina kanman?+
¿Jehová Diospa wawankunamanta+ mayqenmi pay jina kanman?
7 Diosqa ancha respetasqan ch’uya kaqkuna ukhupiqa;+
payqa may manchanan, may jatunmi muyuriqninpi kaqkunapaqqa.+
Qanqa junt’aq sonqo kaywanmi p’istuykusqa kashanki.+
9 Qanqa lamar-qochaq phiñakusqanta llamp’uyachiqmi kanki,+
sinchi phoqchimusqanta, manchay aytikusqantan sayachinki.+
10 Rahabtan* atiparqanki,+ wañusqatan saqerqanki.+
Qanta cheqnikuq runakunatan kallpasapa makiykiwan ch’eqerichirqanki.+
11 Qanpan cielopas llapa kay pachapas,+
qanmi kamarqanki kay pachatapas, chaypi llapa ima kaqkunatapas.+
12 Qanmi kamarqanki wichay ladotapas, uray ladotapas.
Tabor orqowan+ Hermón orqopiwanmi+ sutiykita kusisqa jatunchashanku.
14 Tronoykiqa chanin kaywan justiciawan cimentasqan kashan,+
mana tukukuq munakuypas junt’aq sonqo kaypas ñaupaykipin kashan.+
15 Kusisqa jatunchaqniyki llaqtaqa may kusisqan.+
Diosníy Jehová, paykunaqa uyaykiq k’anchaynillanpi purichunku.
16 P’unchay ch’isiyaqmi sutiykiwan kusikunku,
chanin kayniykiwanmi jatunchasqa kanku.
17 Qanmi paykunaq jatunchakunanpas kallpanpas kanki.+
Allinpaq qhawariwasqaykikuwanmi kallpaykuqa yapakun.+
18 Jark’aykuwaqniyku escudoqa Jehová Diosmantan jamun;
reyniykuqa Israelpa ch’uya Diosninmantan jamun.+
19 Chay kutipin qan sonqo runakunata juj rijuriypi nisqanki:
21 Makiywanmi payta jap’isaq,+
noqan paytaqa kallpachasaq.
22 Manan paytaqa mayqen enemigopas impuestota pagachinqachu,
manan mayqen mana chanin runapas pisichanqachu ni sarunchanqapaschu.+
24 Mana tukukuq munakuyniypas junt’aq kayniypas paywanmi kashanqa,+
sutiyraykun paypa kallpanpas atiyninpas astawan yapakunqa.
26 Paymi nimuwanqa: Qanmi Taytaypas Diosniypas kanki,
qanmi pakakunay qaqapas libraqniypas kanki,+ nispa.
28 Mana tukukuq munakuyniyqa wiñaypaqmi paywan kanqa,+
paywan rimanakusqaypas allin tajyachisqan kanqa.+
29 Paymanta jamuq miraytaqa wiñaypaqmi qaqata sayachisaq,
kamachikuyninpas gobiernonpas cielo jinan mana tukukuq kanqa.+
30 Wawankunachus kamachikuyniyta saqepunqaku chayqa,
manachus chaninchayniykunaman jina kausanqaku chayqa,
31 manachus leykuna qosqayta kasukunqaku,
manataq ima nisqaytapas uyarikunqakuchu chayqa,
32 mana kasukusqankumantan varawan castigasaq,+
juchankumantan paykunata allinta waqtasaq.
33 Chaywanpas manan paymantaqa mana tukukuq munakuyniytaqa qechusaqchu,+
manan promesa ruwasqaytapas pisichasaqchu ni p’akisaqchu.
35 Ch’uya kayniypin noqaqa juj kutillata wiñaypaq jurarqani;
manan noqaqa jayk’aqpas Davidmanqa llullakuymanchu.+
37 Payqa killa jinan wiñaypaq allin tajyachisqa kanqa,
cielopi testigaq killa jinan mana chinkaq kanqa”, nispa. (Séla).
38 Ichaqa saqepurqankin, wijch’upurqankin paytaqa;+
ajllakusqaykipaqmi sinchita phiñakurqanki.
39 Kamachiykiwan rimanakusqaykitan mana serviqpaq qhawaripurqanki,
coronantan pampaman wijch’upurqanki, p’enqaymanmi churarqanki.
40 Llapa rumi perqankutan* thunirqanki,
allin perqasqa llaqtakunatan ñut’urqanki.
41 Chayninta puriqkunapas imaymanankunatan apapurqanku.
Payqa wasimasinkunaq, llaqtamasinkunaq cheqnisqanmi kapun.+
42 Qanmi cheqnikuqnin runakunawan atipachirqanki,+
enemigonkunaq sonqontan kusichirqanki.
43 Espadantapas mana valeqmanmi tukuchirqanki,
maqanakuypipas pisi-pisimantan qhepaman kutichirqanki.
44 Sumaq k’anchaynintan wañuchipurqanki,
tiyanan tronotan pampaman wijch’urqanki.
45 Wayna p’unchayninkunatan ratulla tukuchipurqanki,
p’enqakuywanmi, pisichaywanmi p’achachirqanki. (Séla).
46 Diosnilláy Jehová, ¿jayk’aqkaman pakakunki?
¿Wiñaypaqchu chhayna kanki?+
¿Wiñaypaqchu phiñakuyniyki raurarinqa?
47 ¡Yuyariy kausasqay p’unchaykunaqa pisilla kasqanta!+
¿Yanqapaqchu llapa runakunata kamarqanki?
48 ¿Kanmanchu pipas mana wañuspa kausashallaq runa?+
¿Pipas Sepulturaq* makinmanta librakuyta atinmanchu? (Séla).
49 Diosníy Jehová, ¿maytaq ñaupaqpi rikuchisqayki mana tukukuq munakuyniykiri?
Chaytan junt’aq kayniykipi Davidman prometerqanki.+
50 Jehová Diosníy, yuyariy imaynatachus kamachiykikuna contra rimanku chayta,
yuyariy imaynatachus llaqtakunaq asipayawasqanta aguantashani chaytapas.
51 Jehová Diosníy, yuyariy imaynatachus enemigoykikuna k’amikunku chayta,
imaynatachus ajllakusqayki runata k’amirqanku chaytapas.
52 Jehová Diosqa wiñay-wiñaypaq jatunchasqa kachun. Amén,* amén.+