1 Pedro
3 Kaqllataq qankunapas, esposakuna, qosaykichista k’umuykukuywan kasukuychis,+ chhaynapin Diospa siminta mana kasukuq qosaqa esposanpa allin kausasqanrayku mana ima rimapayasqalla kasukuq kanqa.+ 2 Arí, ch’uya kausasqanta, ancha respetoyoq kasqantawan rikuspan kasukuq kanqa.+ 3 Ama jawallaykichispichu munay kasqaykichisqa rikukuchun, arí, ama sumaq simp’akuyllapichu, qori adornokunawan+ churakuyllapichu, nitaq allin p’achakunawan churakuyllapichu munay kasqaykichisqa rikukuchun. 4 Aswanpas sonqoykichispi imaynachus kasqaykichispi rikukuchun munay kasqaykichisqa, chayrayku thaj kaywan llamp’u sonqo kaywan+ ima sumaqchakuychis, chaytan Diosqa ancha valorniyoqpaq qhawarin, chaymantapas chayqa mana jayk’aq ismuyta atiqmi. 5 Chhaynatan ñaupa tiempopi Diospi suyakuq ch’uya warmikunapas sumaqchakurqanku, paykunaqa k’umuykukuywanmi qosankuta kasukuqku, 6 imaynan Sarapas Abrahanta kasukurqan chhaynata, payqa “señorníy” nispan Abrahanta niq.+ Sichus qankunapas allin kaqkunata ruwankichis, manataq imatapas manchakunkichischu chayqa,+ paypa ususinkunan kankichis.
7 Kaqllataq qankunapas, qosakuna, esposaykichista allinta reqsiychis, chhaynapi allin yuyaywan paykunawan kausanaykichispaq. Chaymantapas warmi kasqankurayku aswan llaflla* vasota* jina sumaqta qhawariychis,+ chhaynapi Diosmanta mañakuyniykichis ama jark’asqa kananpaq. Chaymantapas paykunaqa qankunawan kuskan kausay herencia regalota chaskinqaku.+
8 Chhaynaqa, llapaykichis juj yuyaylla kaychis,+ qankunapura llakipayanakuychis,+ wayqe-panantin jina munanakuychis, tukuy sonqowan khuyapayanakuychis, k’umuykukuqtaq kaychispas.+ 9 Amapuni mana allinmantaqa mana allinllawantaq kutichiychischu,+ amallataq k’amisuqniykichistapas k’amiychischu.+ Aswanpas bendicionta paykunamanqa qoychis,+ chayta ruwanaykichispaqpunin qankunaqa wajasqa karqankichis, chhaynapi qankunapas bendicionta chaskinaykichispaq.
10 “Pipas kausayta munakuqqa kusisqa kausaytapas munaqqa, ama mana allin kaqta rimachunchu,+ ama llullakuspa imatapas nichunchu. 11 Mana allin ruwaykunamanta karunchakuchun,+ allin kaqtataq ruwachun;+ thaj kayta maskhachun, chaypa qhepallanta purichun.+ 12 Jehová* Diospa ñawinqa chanin runakunapin kashan, ninrinpas rogakusqankutan uyarishan.+ Ichaqa mana allin ruwaqkunaq contranpin Jehová* Diosqa* kashan”.+
13 Tukuy sonqowanchus allin kaqkunata ruwankichis chayqa, ¿pitaq ima mana allintapas ruwasunkichisman?+ 14 Ñak’ariwaqchisña chanin kaqta ruwasqaykichisrayku chaypas, kusisqan kankichis.+ Ichaqa aman manchakunkichischu imatachus runakuna manchakunku chaytaqa,* amataq llakipakunkichispaschu.+ 15 Aswanpas sonqoykichispi niychis: “Criston Señorqa, ch’uyan payqa”, nispa. Chaymantapas listollapuni kashaychis pipas suyakuyniykichismanta tapukuqtinqa chayman kutichinaykichispaq, ichaqa llamp’u sonqowan+ ancha respetowan iman+ chaytaqa ruwankichis.
16 Allin concienciawanpuni kausaychis,+ chhaynapi imataña runakuna qankuna contra rimanqaku chaypas, Cristota qatikuspa allinta kausasqaykichisrayku+ contraykichispi rimaqkunaqa p’enqaypi qhepanankupaq.+ 17 Diospa munayninchus kanman chayqa, allinmi qankunapaqqa kanman allin kaqkunata ruwaspa ñak’ariy,+ mana allin kaqkunata ruwaspa ñak’ariymantaqa.+ 18 Cristopas juj kutillatan wañurqan juchata chinkachinanpaq,+ chanin runan mana chanin runakunarayku wañurqan,+ chhaynapi Diosman pusanasuykichispaq.+ Payqa aycha cuerpopin wañurqan,+ espíritu cuerpopitaq kausarichisqa karqan.+ 19 Chaymantataq preso kashaq espiritukunata willaq rirqan,+ 20 paykunaqa manan kasukurqankuchu Noepa tiemponpi Dios pacienciawan suyakushaqtin,+ chay tiempopin arcapas* ruwakusharqan,+ chay arcapin pisi runakunalla unumanta librasqa karqanku, arí, pusaq almakunallan* librasqa karqanku.+
21 Chay pasasqanqa bautismowanmi tupan. Bautismon kunanqa qankunatapas Jesucristoq kausarimpusqanwan salvashasunkichis. Bautismoqa manan aychapi qhellita chinkachiychu, aswanpas Diosmanta allin concienciata mañakuymi.+ 22 Payqa janaq pachatan ripurqan, kunantaq Diospa paña ladonpi kashan;+ paymanmi k’umuchisqa karqan angelkunapas, autoridadkunapas, atiyniyoq kaqkunapas.+